Լրահոս
26.09.23,
15:55
Հավաքի մասնակիցներից մեկը ոտքերով և ձեռքերով հարվածել է փողոցը բացել փորձող տարեց կնոջը. նախաձեռնվել է քրեական վարույթ
ՀՀ ՆԳՆ Ոստիկանությունից ստացված հաղորդման համաձայն, ըստ առցանց հարթակում հրապարակված տեսանյութի, Երևան քաղաքի Մաշտոց-Պուշկին խաչմերուկում սեպտեմբերի 22-ին ճանապարհը փակելու հարցի շուրջ բողոքի ակցիա իրականացնողների և այլ անձանց միջև առաջացել է վիճաբանություն, որի ընթացքում ակցիայի մասնակիցներից մեկը, հասարակության նկատմամբ անհարգալից վերաբերմունք դրսևորելով, ցուցադրաբար անտեսելով համակեցության կանոնները, խոչընդոտելով ճանապարհի այդ հատվածով բնականոն երթևեկությունը, ձեռքերով հարվածել է փակված ճանապարհը անցնելու փորձ կատարող ավտոմեքենային, նստել մեքենայի վրա, ապա ոտքերով, ձեռքերով հարվածներ հասցրել մի կնոջ, ապա նաև ճանապարհի երթևեկելի գոտում տեղադրված աղբամանները հանող ևս մեկ կնոջ։
Հաղորդման առթիվ ՀՀ ՔԿ ԵՔՔՎ Կենտրոն և Նորք-Մարաշ վարչական շրջանների քննչական առաջին բաժնում նախաձեռնվել է քրեական վարույթ՝ ՀՀ քրեական օրենսգրքի 297-րդ հոդվածի 1-ին մասի հատկանիշներով:
Իրականացվում է նախաքննություն: Ձեռնարկվում են անհրաժեշտ միջոցներ դեպքի ամբողջական հանգամանքները անաչառ և համակողմանի քննությամբ պարզելու, միջադեպի մասնակից անձանց ինքնությունը պարզելու, նրանց գործողություններին իրավական գնահատականներ տալու նպատակով:
Ծանուցում. Հանցանքի համար մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով դատարանի` օրինական ուժի մեջ մտած դատավճռով:
Հարակից թեմաներ
Տեսնել ավելին
-
25.11.23, 12:30Ա․Կարապետյանի կողմից զանգվածային անկարգություններ կատարելուն, ատելություն և թշնամանք հրահրելուն ուղղված կոչեր հնչեցնելու վերաբերյալ վարույթով նախաքննությունն ավարտվել էՀիմնավորվել է, որ Ա. Կարապետյանը հնչեցրել է զանգվածային անկարգություններ կատարելուն, անհանդուրժողականություն հրահրելուն ուղղված կոչեր։ -
03.11.23, 18:012023թ․ սեպտեմբերին Երևանում տեղի ունեցած զանգվածային հավաքներին առնչվող վարույթներով հանրային քրեական հետապնդում է հարուցվել 60 անձի նկատմամբ, 5 վարույթով նախաքննությունն ավարտվել է․ ամփոփումՀՀ ՔԿ ստորաբաժանումներում քննվող քրեական վարույթներով տարբեր հանցավոր արարքներ կատարելու կասկածանքով, ինչպես նշված օրերին, այնպես էլ դրանից հետո, ձերբակալվել է ակցիաների մասնակից ընդհանուր 64 անձ։ -
27.10.23, 12:08Զանգվածային անկարգություններ կատարելու կասկածանքով ձերբակալված անձի կողմից թմրամիջոց ապօրինի ձեռք բերելու, պահելու, տեղափոխելու մասով նախաքննությունն ավարտվել էԶանգվածային անկարգություններ կատարելու կասկածանքով ձերբակալված անձի խուզարկությամբ հայտնաբերվել էր դեղնականաչավուն զանգված: -
19.10.23, 12:30Մ.Շուշանյանի կողմից բռնության կոչեր հնչեցնելու, բռնություններն արդարացնելու վերաբերյալ վարույթով նախաքննությունն ավարտվել էՄ․Շուշանյանի կողմից կատարվել են բռնություն գործադրելու հրապարակային կոչեր հնչեցնելու, բռնությունը հրապարակայնորեն արդարացնելու և քարոզելու գործողություններ։ -
03.10.23, 17:00Հանրապետության հրապարակում ակցիաների ժամանակ Երևան քաղաքի 27-ամյա բնակչի կողմից սառը զենք կրելու դեպքի նախաքննությունն ավարտվել էԱվարտվել է զանգվածային հավաքի ընթացքում ապօրինի կերպով սառը զենք կրելու վերաբերյալ վարույթի նախաքննությունը: -
28.09.23, 13:10Մ.Շուշանյանը ձերբակալվել է․ նրա նկատմամբ հանրային քրեական հետապնդում է հարուցվել՝ բռնություն գործադրելու հրապարակային կոչեր հնչեցնելու համարՄ.Շուշանյանը ՀՀ վարչապետի նկատմամբ, քաղաքական հայացքներով պայմանավորված, հնչեցրել է բռնություն գործադրելու հրապարակային կոչեր:
