Հայաստանում Նիդերլանդների դեսպանի հետ ՀՀ քննչական կոմիտեում քննարկվել են համագործակցության ընդլայնմանն առնչվող հարցեր (լուսանկարներ)
ՀՀ քննչական կոմիտեի նախագահ Արգիշտի Քյարամյանն այսօր ընդունել է Հայաստանի Հանրապետությունում Նիդերլանդների Թագավորության արտակարգ և լիազոր դեսպան Նիկոլաս Յակոբ Սխերմերսին։
Ողջունելով պարոն դեսպանին ՀՀ քննչական կոմիտեում՝ Արգիշտի Քյարամյանը նշել է, որ Հայաստանի և Նիդերլանդների հարաբերությունները զարգանում են փոխադարձ վստահության հիմքի վրա, ինչը դրսևորվում է նաև իրավական համագործակցության ոլորտում։ ՀՀ քննչական կոմիտեի նախագահը գոհունակություն է հայտնել առ այն, որ Նիդերլանդների իրավասու մարմիններին ուղղված՝ քրեական վարույթներով ՀՀ քննչական կոմիտեի քննչական բոլոր հարցումները կատարվում են շատ կարճ ժամկետներում և բարձր օպերատիվությամբ։ Ներկա պահին չկան ինչպես ՀՀ քննչական կոմիտեի կողմից ուղարկված, այնպես էլ՝ Նիդերլանդների համապատասխան մարմիններից ստացված՝ չկատարված կամ ձգձգվող իրավական հարցումներ։
Արգիշտի Քյարամյանը հույս է հայտնել, որ Հայաստանում Նիդերլանդների դեսպանատան ակտիվ գործունեության արդյունքում երկու երկրների իրավապահ համակարգերի միջև փոխադարձ վստահության վրա հիմնված հարաբերություններն ավելի կզարգանան։
Նիդերլանդների Թագավորության արտակարգ և լիազոր դեսպան պարոն Սխերմերսն իր հերթին շեշտել է իրավապահ ոլորտում Հայաստանի և Նիդերլանդների անխափան գործակցության արդյունավետությունը՝ վստահեցնելով, որ դեսպանատունը բոլոր ջանքերը ներդնելու է՝ դրանք ավելի բարձր մակարդակի հասցնելու համար։ Նա հավելել է, որ դրան խթանում է նաև այն հանգամանքը, որ Նիդերլանդներում են տեղակայված Եվրոպական միության քրեական արդարադատության ոլորտում համագործակցության «Եվրոջասթ» (Eurojust) գործակալության և ԵՄ իրավապահ ոլորտում համագործակցության գործակալության՝ Եվրոպոլի (Europol) կենտրոնական գրասենյակները, որոնց հետ ՀՀ իրավապահ մարմինները սերտ համագործակցություն են ծավալում։
Հանդիպման ընթացքում քննարկվել են հանցավորության դեմ պայքարի առանձին ոլորտներում փորձագիտական աջակցությանը, ինչպես նաև՝ տեղեկատվության և փորձի փոխանակմանն ուղղված ծրագրեր իրականացնելու հնարավորությունները, ՀՀ քննչական կոմիտեի և Հայաստանում Նիդերլանդների դեսպանատան միջև հաղորդակցության օպերատիվությունը բարձրացնելու եղանակները, ինչպես նաև՝ փոխադարձ հետաքրքրություն ներկայացնող այլ հարցեր։
-
01.08.24, 18:52Արգիշտի Քյարամյանն ընդունել է Կարմիր խաչի միջազգային կոմիտեի պատվիրակության ղեկավարին (լուսանկարներ)Քննարկվել են գտնվելու վայրն անհայտ, գերեվարված անձանց հարազատների հետ իրականացվող աշխատանքներին վերաբերող հարցեր: -
27.05.24, 16:41Եվրոպայի խորհրդի երևանյան գրասենյակի ղեկավար Մաքսիմ Լոնգանգեն այցելել է ՀՀ քննչական կոմիտե․ քննարկվել են գործակցության զարգացման հարցեր (լուսանկարներ)ՀՀ քննչական կոմիտեի նախագահ Արգիշտի Քյարամյանն այսօր ընդունել է Եվրոպայի խորհրդի երևանյան գրասենյակի նորանշանակ ղեկավար Մաքսիմ Լոնգանգեին։ -
21.05.24, 11:33ՀՀ քննչական կոմիտեի նախագահն ընդունել է ԱՄՆ պետքարտուղարի փոխտեղակալ Բրենդոն Յոդերին. քննարկվել են համագործակցության ընդլայնման հարցեր (լուսանկարներ)ՀՀ քննչական կոմիտեի նախագահ Արգիշտի Քյարամյանը վերահաստատել է համագործակցությունն ավելի խորացնելու՝ Քննչական կոմիտեի պատրաստակամությունը։ -
20.10.23, 17:34Հայաստանում ԵՄ պատվիրակության նորանշանակ ղեկավարը հյուրընկալվել է ՀՀ քննչական կոմիտեումԱրգիշտի Քյարամյանը հոկտեմբերի 20-ին ընդունել է Հայաստանում Եվրոպական միության պատվիրակության նորանշանակ ղեկավար, դեսպան Վասիլիս Մարագոսին։ -
19.10.23, 18:18ՀՀ քննչական կոմիտեի նախագահ Արգիշտի Քյարամյանը ԵԽ մարդու իրավունքների հանձնակատարին է ներկայացրել Ադրբեջանի կողմից իրականացված էթնիկ զտման հանգամանքները (լուսանկարներ)Քննարկվել են Լեռնային Ղարաբաղի 100 հազարից ավելի բնակչությանն էթնիկ զտումների, բռնի տեղահանության ենթարկվելու քրեաիրավական խնդիրները: -
14.09.23, 17:40ՀՀ քննչական կոմիտեի նախագահը և Հայաստանում Հնդկաստանի դեսպանը քննարկել են իրավական ոլորտում համագործակցության խնդիրները (լուսանկարներ)Հայաստանում Հնդկաստանի արտակարգ և լիզոր դեսպանն այցելել է ՀՀ քննչական կոմիտե։ -
07.09.23, 18:00ՀՀ քննչական կոմիտեի նախագահը Թբիլիսիում հանդիպում է ունեցել Վրաստանի ֆինանսների նախարարության քննչական ծառայության ղեկավարի հետՀանդիպման ընթացքում քննարկվել են կառույցների միջև հետագա փոխգործակցության հնարավոր ուղղությունները, եղանակներն ու խնդիրները: -
07.09.23, 12:11ՀՀ քննչական կոմիտեի նախագահը և Վրաստանի ներքին գործերի նախարարը քննարկել են երկու կառույցների հարաբերությունների զարգացման հնարավորությունները (լուսանկարներ)Արգիշտի Քյարամյանը հանդիպում է ունեցել Վրաստանի ներքին գործերի նախարար, Վրաստանի ազգային անվտանգության խորհրդի քարտուղարի հետ։