ՀԱՅՏԱՐԱՐՈՒԹՅՈՒՆ` ՄՐՑՈՒՅԹԻ ՄԱՍԻՆ

Հայտարարության սույն տեքստը հաստատված է մրցույթային հանձնաժողովի
2021 թվականի մարտի 29  N 1  որոշմամբ

Պատվիրատուն` ՀՀ քննչական կոմիտեն, որը գտնվում է ք.Երևան, Մամիկոնյանց 46/5  հասցեում, հայտարարում է մրցույթ, որն իրականացվում է մեկ փուլով:

Սույն ընթացակարգի արդյունքում ընտրված մասնակցին սահմանված կարգով կառաջարկվի կնքել քրեական գործերի և քրեական գործերով նյութերի գրավոր հաստատված, քրեական գործերի շրջանակներում բանավոր թարգմանություններ և տեսողական սահմանափակումների պատճառով հաշմանդամություն ունեցող անձի օգնականի մատուցող անձ ապահովելու ծառայությունների մատուցման պայմանագիր (այսուհետ` պայմանագիր)։

Հայտի լեզուն հայերենն է:

Մրցույթի հայտերն անհրաժեշտ է ներկայացնել  ք.Երևան, Մամիկոնյանց 46/5  հասցեով, փաստաթղթային ձևով:

Հայտերի բացումը տեղի կունենա ք.Երևան, Մամիկոնյանց 46/5  հասցեում,  2021 թվականի ապրիլի 9-ին ժամը  16:00-ին։  

Սույն հայտարարության հետ կապված լրացուցիչ տեղեկություններ ստանալու համար կարող եք դիմել մրցույթային հանձնաժողովի քարտուղար Արաքսյա Պողոսյանին: 

Հեռախոս՝ 011 880 129, 093 51 81 49

Էլ փոստ՝ external@investigative.am

Պատվիրատու՝ ՀՀ քննչական կոմիտե:

Պայմանագիր՝ թարգմանչական ծառայությունների մատուցման

 

Հաստատված է
մրցույթային հանձնաժողովի
 2021թ.  մարտի 29-ի  N 1  որոշմամբ

Հրավեր՝ ՀՀ ՔԿ կարիքների համար թարգմանիչ և տեսողական սահմանափակումների պատճառով հաշմանդամություն ունեցող անձի օգնականի ծառայությունների ձեռքբերման նպատակով հայտարարված մրցույթի

Սույն հրավերը կազմվել է՝ հիմք ընդունելով  ՀՀ կառավարության 2018թ. դեկտեմբերի 20-ի N 1509-Ն և 2018թ. նոյեմբերի 22-ի N 1334-Ն որոշման պահանջները:

Մրցույթային հանձնաժողովի քարտուղարի էլեկտրոնային փոստի հասցեն է`    external@investigative.am.

Հարգելի մասնակից նախքան հայտ կազմելը և ներկայացնելը, խնդրում ենք մանրամասնորեն ուսումնասիրել սույն հրավերը, քանի որ հրավերին չհամապատասխանող հայտերը ենթակա են մերժման:

1.ՊԱՀԱՆՋՎՈՂ ԾԱՌԱՅՈՒԹՅԱՆ ԲՆՈՒԹԱԳԻՐԸ
(ԳՆՄԱՆ ԱՌԱՐԿԱՅԻ ԲՆՈՒԹԱԳԻՐԸ)

1.1 Գնման առարկա է հանդիսանում ՀՀ քննչական կոմիտեի կարիքների համար թարգմանչի և տեսողական սահմանափակումների պատճառով հաշմանդամություն ունեցող անձի օգնականի ծառայությունների ձեռքբերումը (այսուհետ` նաև ծառայություն), որոնք խմբավորված են 33 չափաբաժիններում`

Ծառայության տեխնիկական բնութագրերը, ինչպես նաև մասնագիրը, տեխնիկական տվյալները և այլ ոչ գնային պայմանների ամբողջական և համարժեք նկարագրությունը կազմում են կնքվելիք պայմանագրի անբաժանելի մասը:

2. ՄԱՍՆԱԿՑԻ ՄԱՍՆԱԿՑՈՒԹՅԱՆ ԻՐԱՎՈՒՆՔԻ ՊԱՀԱՆՋՆԵՐԸ, ՈՐԱԿԱՎՈՐՄԱՆ ՉԱՓԱՆԻՇՆԵՐԸ, ԴՐԱՆՑ ԳՆԱՀԱՏՄԱՆ ԵՎ ՎՃԱՐՄԱՆ ԿԱՐԳԸ

Մրցույթի արդյունքում հաղթող է ճանաչվելու ՀՀ կառավարության 2018թ. դեկտեմբերի 20-ի N 1509-Ն և 2018թ.  նոյեմբերի 22-ի N 1334-Ն որոշման 6.3 կետին համապատասխանող անձինք:

Վճարումը կատարելու է ՀՀ քննչական կոմիտեն՝ ՀՀ կառավարության 2018թ. նոյեմբերի 22-ի N 1334-Ն  որոշմամբ հաստատված Հավելված 2 համաձայն:

 

3.  ՀԱՅՏԸ ՆԵՐԿԱՅԱՑՆԵԼՈՒ ԿԱՐԳԸ
 

3.1 Սույն ընթացակարգին մասնակցելու համար մասնակիցը հանձնաժողովին ներկայացնում է հայտ։ Հայտը սույն հրավերի հիման վրա մասնակցի կողմից ներկայացվող առաջարկն է:
Մասնակիցը կարող է հայտ ներկայացնել ինչպես յուրաքանչյուր չափաբաժնի, այնպես էլ մի քանի կամ բոլոր չափաբաժինների համար։
Հայտը ներկայացվում է մինչև դրա համար սույն հրավերով սահմանված ժամկետի ավարտը։

3.2  Մրցույթին հայտերն անհրաժեշտ է ներկայացնել թղթային եղանակով հանձնաժողովին ոչ ուշ, քան սույն մրցույթի հայտարարությունը և հրավերը ՀՀ քննչական կոմիտեի պաշտոնական ինտերնետային կայքէջում    և http://www.azdarar.am հրապարակվելու օրվանից հաշված 10 աշխատանքային օրվա ընթացքում ժամը «16:00»-ն, ք.Երևան, Մամիկոնյանց 46/5  հասցեով:
Ընթացակարգի հայտերը ստանում և հայտերի գրանցամատյանում գրանցում է հանձնաժողովի քարտուղարը: Հայտերը քարտուղարի կողմից գրանցվում են գրանցամատյանում` ըստ դրանց ստացման հերթականության` գրանցամատյանում նշելով գրանցման համարը, օրը և ժամը:

3.3 Մասնակիցը հայտով ներկայացնում է`
1) իր կողմից հաստատված Հավելված 1՝ գնային առաջարկը՝ կից  լեզուների գնացուցակով. ներկայացնելով

• Թարգմանչին թարգմանչական աշխատանքի դիմաց վճարվելիք գումարի չափը մեկ էջի համար- ՀՀ դրամ
• Թարգմանչի մեկ ժամ թարգմանության դիմաց - ՀՀ դրամ
• Տեսողական սահմանափակումների պատճառով հաշմանդամություն ունեցող անձի օգնականի ծառայությունների մեկ ժամվա համար- ՀՀ դրամ
  
  Մրցույթին մասնակցելու համար ներկայացված հայտին կից ներկայացվում են փաստաթղթեր, որոնք հավաստում են հայտ ներկայացնող անձի` սույն կարգով սահմանված պահանջներին համապատասխանելը:
• 
  

4.   ՀԱՅՏԻ ԳՆԱՅԻՆ ԱՌԱՋԱՐԿԸ

4.1 Առաջարկվող գինը ծառայության արժեքից բացի, ներառում է փոխադրման, տուրքերի, հարկերի, այլ վճարումների գծով ծախսերը: Առաջարկվող գնի  հաշվարկը պետք է ներկայացվի հայտով:

4.2 Մասնակիցը գնային առաջարկը ներկայացնում է ընդհանրական բաղադրիչներից բաղկացած հաշվարկի ձևով: Ընդ որում՝
ա) մասնակիցների գնային առաջարկների գնահատումն ու համեմատումն իրականացվում է հետևյալ կերպ.

մրցույթում հաղթող է ճանաչվում սույն կարգին համապատասխան թարգմանչական աշխատանքի համար նախատեսված գումարի սահմաններում նվազագույն գնային առաջարկ ներկայացրած մասնակիցը, իսկ եթե անհնար է գնային առաջարկով որոշել հաղթողին, ապա հաղթող է ճանաչվում առավել երկար մասնագիտական աշխատանքային ստաժ ունեցող թարգմանիչը, իսկ կազմակերպության դեպքում՝ առավել երկար աշխատանքային գործունեություն իրականացրած և իր կազմում առավել երկար մասնագիտական աշխատանքային ստաժ ունեցող թարգմանիչներ ընդգրկող կազմակերպությունը:

5.  ՀԱՅՏԵՐԻ ԲԱՑՈՒՄԸ, ԳՆԱՀԱՏՈՒՄԸ 

5.1 Հայտերի բացումը կկատարվի հանձնաժողովի հայտերի բացման նիստում` սույն ընթացակարգի հայտարարությունը և հրավերը տեղեկագրում հրապարակվելու օրվանից հաշված 10-րդ աշխատանքային օրվա ժամը 16:00-ին։

Հայտերի բացման և գնահատման նիստում՝
1) հանձնաժողովի նախագահը (նիստը նախագահողը) նիստը հայտարարում է բացված և հրապա­րակում է գնման հայտով սահմանված` սույն ընթացակարգի շրջանակում գնվելիք ծառայությունների գինը՝ մեկ թվով արտահայտված, ինչպես նաև հայտեր ներկայացրած մասնակիցների գնային առաջարկները:
2) սույն կետի 1-ին ենթակետում նշված փաստաթղթերը նախագահին (նիստը նախագահողին) փոխանցվելուց հետո հանձնաժողովը գնահատում է`

ա. հայտեր պարունակող ծրարները կազմելու և ներկայացնելու համապատասխանությունը սահմանված կարգին և բացում համապատասխանող գնահատված հայտերը,
բ. բացված յուրաքանչյուր ծրարում պահանջվող (նախատեսված) փաստաթղթերի առկայությունը և դրանց կազմման համապատասխանությունը հրավերով սահմանված վավերապայմաններին.
3) հանձնաժողովի նախագահը հայտարարում է հայտեր ներկայացրած մասնակիցների գնային առաջարկները՝ մեկ թվով արտահայտված:

5.2 Հայտերը գնահատվում են սույն հրավերով սահմանված կարգով:
Մրցութային հանձնաժողովը հայտեր ներկայացնելու վերջնաժամկետի ավարտման օրվանից հետո 10 աշխատանքային օրվա ընթացքում գնահատում է ներկայացված հայտերը:
Հաղթող ճանաչված անձի հետ 3 աշխատանքային օրվա ընթացքում կնքվում է ծառայությունների  մատուցման պայմանագիր:
Մրցույթի  հետ կապված բողոքները քննում է մրցույթային հանձնաժողովը:

6. ՀԱՅՏԸ ՊԱՏՐԱՍՏԵԼՈՒ ԿԱՐԳԸ

6.1 Մասնակիցը հայտը ներկայացնում է սույն հրավերով սահմանված կարգով։
Մասնակցի առաջարկները, դրանց վերաբերող փաստաթղթերը դրվում են ծրարի մեջ, սոսնձում են և չորս կողմից կնքվում և ստորագրվում են: Ծրարում ներառված փաստաթղթերը, կազմվում են բնօրինակից և 1 օրինակ պատճեններից: Փաստաթղթերի փաթեթների վրա համապատասխանաբար գրվում են «բնօրինակ» և «պատճեն» բառերը:
Ծրարը և սույն հրավերով նախատեսված` մասնակցի կազմած փաստաթղթերն ստորագրում և կնքում է դրանք ներկայացնող անձը կամ վերջինիս լիազորված անձը (այսուհետ` գործակալ): Եթե հայտը ներկայացնում է գործակալը, ապա հայտով ներկայացվում է վերջինիս այդ լիազորությունը վերապահված լինելու մասին փաստաթուղթ:

6.2 Սույն հրահանգի 6.1 կետում նշված ծրարի վրա հայտը կազմելու լեզվով նշվում են`
1) պատվիրատուի անվանումը և հայտի ներկայացման վայրը (հասցեն).
2) «Չբացել մինչև հայտերի բացման նիստը» բառերը.
3) մասնակցի անվանումը (անունը), գտնվելու վայրը և հեռախոսահամարը:
6.3 Սույն հրահանգի 6.1 և 6.2 կետերի պահանջներին չհամապատասխանող հայտերը հանձնաժողովը հայտերի բացման նիստում մերժում է և նույնությամբ վերադարձնում ներկայացնողին:

Հավելված 1
մրցույթի հրավերի

Գ Ն Ա Յ Ի Ն   Ա Ռ Ա Ջ Ա Ր Կ
 

Ուսումնասիրելով ՀՀ քննչական կոմիտեի կողմից հայտարարված թարգմանությունների,տեսողական սահմանափակումների պատճառով հաշմանդամություն ունեցող անձի օգնականի ծառայությունների մատուցման  մրցույթի հրավերը                                                                             առաջարկում է պայմանագիրը կատարել ներքոհիշյալ ընդհանուր գներով.                                      

մասնակցի անվանումը

                                                                                 ՀՀ դրամ

ԳՆԱՑՈՒՑԱԿ
ԼԵԶՈՒՆԵՐԻ ՑԱՆԿ
(գրավոր և բանավոր)

__________________________________________                                                                     _____________

^{մասնակցի անվանումը (ղեկավարի պաշտոնը, անուն ազգանունը)                                         ստորագրությունը}                

Կ. Տ.[1]   

• Մասնակիցը գնային առաջարկը ներկայացնում է միայն այն չափաբաժինների մասով, որին պետք է մասնակցի