Հերքում. ՀՀ ՔԿ նախագահ Աղվան Հովսեփյանի զավակներն ապրել, ապրում և ապրելու են հայրենիքում. հակառակի մասին հրապարակումները հերյուրանքներ են
Զանգվածային լրատվության միջոցներից մեկը, դրսևորելով անբարեխիղճ վերաբերմունք լրագրության նկատմամբ և չհարգելով իր ընթերցողների՝ ստուգված և ճշգրիտ տեղեկություն ստանալու իրավունքը, այսօր տարածել էր, թե, իբր, ՀՀ ՔԿ նախագահի որդին՝ Նարեկ Հովսեփյանը, շաբաթներ առաջ այցելել է Լոս Անջելես և հետաքրքրվել ընտանիքով այնտեղ հաստատվելու հնարավորությամբ։
Պաշտոնապես հայտարարում ենք, որ սույն «տեղեկությունը» որևէ աղերս չունի իրականության հետ և հետևանք է հիվանդագին երևակայության։ Բավական է փաստենք, որ Նարեկ Հովհսեփյանը ԱՄՆ այցելել է 6 տարի առաջ՝ 2010 թվականին, ավելին՝ նա ամուսնացած չէ, ընտանիք չունի, հետևապես չի կարող «ընտանիքով» հաստատվել ԱՄՆ-ում։ Իսկ ուղևորությունների իրավունք ունի յուրաքանչյուր ոք։
ՀՀ ՔԿ նախագահ Աղվան Հովսեփյանն ունի երեք զավակ, ովքեր ապրել, ապրում և ապրելու են իրենց հայրենիքում, որևէ այլ երկրում «հաստատվելու» մտադրություն չունեն՝ ի տարբերություն նման ստահոդ լուրերի հրապարակմամբ շահագրգռված անձանց։
Կոչ ենք անում զերծ մնալ զրպարտչական տեղեկություններ տարածելուց, հարգել լրագրողի կոչումը, մասնագիտությունը և լրատվամիջոցը չվերածել մտացածին լուրերի, բամբասանքների տարածման հարթակի։
-
-
11.06.18, 08:30ՀՀ ՔԿ նախագահ Աղվան Հովսեփյանը հանդիպել է աշխատակազմի հետ և տեղեկացրել հրաժարական ներկայացնելու մասինԱ.Հովսեփյանը տեղեկացրել է ՔԿ ծառայողներին՝ հրաժարական ներկայացնելու` իր որոշման մասին: -
24.05.18, 12:19Հայտարարություն. Ակնկալում ենք, որ քաղաքացու հայտարարությունը կդառնա պատշաճ և օբյեկտիվ քննության առարկաՔննչական կոմիտեն դիմում և առաջարկում է Հատուկ քննչական ծառայությանը՝ օրենքով սահմանված կարգով ընթացք տալ քաղաքացու հնչեցրած այն հայտարարությանը, թե ՔԿ նախագահը կաշառք է պահանջել։ -
11.04.18, 13:52ՀՀ ՔԿ նախագահ Աղվան Հովսեփյանն ընտրվել է Փաստավավերագրության միջազգային ակադեմիայի իսկական անդամ և պարգևատրվել «ՊԱՏՎՈ ՇՔԱՆՇԱՆ»-ով (լուսանկարներ)Փաստավավերագրության միջազգային ակադեմիայի նախագահության որոշմամբ Աղվան Հովսեփյանը բարձր պարգևի է արժանացել: -
05.12.17, 16:11ՔԿ նախագահ Ա.Հովսեփյանն ամփոփել է անցնող տարինՀաջողվել է կրճատել նախաքննության ժամկետները. Ա.Հովսեփյան -
09.10.17, 15:43Մեղադրական հակվածությամբ նախաքննությունը վտանգում է իրավական պետության հիմքերը. Ա.ՀովսեփյանՔրեական գործի վարույթը կասեցնելը ինքնին դրական երևույթ չէ, ուստի այն չի կարող դիտվել որպես քննչական աշխատանքի արտադրողականության դրական ցուցանիշ. Ա.Հովսեփյան
