ՀՀ ՔԿ նախագահ Աղվան Հովսեփյանը մասնակցել է Արթիկի քննչական բաժնի նոր վարչական շենքի բացմանը (Լուսանկարներ)
ՀՀ ՔԿ նախագահ Աղվան Հովսեփյանն այսօր մասնակցել է ՀՀ քննչական կոմիտեի Շիրակի մարզային քննչական վարչության Արթիկի քննչական բաժնի նոր վարչական շենքի բացման արարողությանը։
Արթիկի քննչական բաժինը նախկինում չի ունեցել առանձին մասնաշենք, և շենքային պայմանները բարելավելու համար ՀՀ կառավարությունը 2017 թվականին ՀՀ ՔԿ դեպարտամենտին անհատույց օգտագործման իրավունքով հատկացրել է 245 քմ շենքային տարածք՝ Արթիկ քաղաքի Բաղրամյան 4 հասցեում: Վերանորոգման համար ՀՀ պետական բյուջեով հատկացվել է 9.062.350 ՀՀ դրամ։
Քննչական բաժինը կահավորվել է, ապահովվել ժամանակակից տեխնիկայով, ինտերնետ կապով և համակարգչային ներքին ցանցով: Այն ունի 9 աշխատասենյակ, քննչական հատուկ գործողությունների համար նախատեսված սենյակներ՝ անչափահասների հարցաքննության, ճանաչման սենյակներ՝ համապատասխան կահավորմամբ:
Աշխատանքային պարտականությունները բարեխղճորեն կատարելու համար, ՀՀ քննչական կոմիտեի նախագահի հրամանով, ՀՀ ՔԿ Շիրակի մարզային քննչական վարչության Արթիկի քննչական բաժնի պետ Կարեն Փթուկյանը պարգևատրվել է «Վաստակի համար» մեդալով, երկու քննիչ դրամական խրախուսմամբ՝ մեկ ամսվա աշխատավարձի չափով։
Նշենք, որ բոլորովին վերջերս շահագործման են հանձնվել Գեղարքունիքի մարզային քննչական վարչության երկու քննչական բաժնի՝ Վարդենիսի և Մարտունու քննչական բաժինների նոր վարչական շենքերը՝ ամբողջովին վերանորոգված և կահավորված։
Քննչական կոմիտեն ձևավորման պահից՝ 2014 թվականի հոկտեմբերից, հետևողական քայլեր է ձեռնարկում՝ տարածքային ստորաբաժանումների աշխատանքային պայմանները բարելավելու, նյութատեխնիկական բազան համալրելու ուղղությամբ, որը հնարավորություն է տալիս ավելի արդյունավետ կազմակերպել քննչական գործողությունների իրականացումը, ապահովել վարույթի մասնակիցների իրավունքների պաշտպանությունը:
2014 թվականի հոկտեմբերից առ այսօր հիմնանորոգվել են Քննչական կոմիտեի կենտրոնական, Սյունիքի, Կոտայքի, Արագածոտնի, Վայոց Ձորի մարզային քննչական վարչությունների, Արարատի մարզային քննչական վարչության Մասիսի քննչական բաժնի, Գեղարքունիքի մարզային քննչական վարչության Վարդենիսի և Մարտունու քննչական բաժինների, Երևան քաղաքի քննչական վարչության, Արաբկիր և Շենգավիթ վարչական շրջանների քննչական բաժինների շենքերը:
Ներկայումս ընթացքի մեջ են ևս 5 վարչական շենքերի նորոգման աշխատանքները։
-
19.03.24, 13:48ՀՀ քննչական կոմիտեի հերթական քննչական բաժինը նոր, վերանորոգված վարչական տարածք ունի․ բացման արարողությանը մասնակցել է Արգիշտի Քյարամյանը (լուսանկարներ)Քննչական կոմիտեի նախագահը կարճ զրույց է ունեցել քննչական բաժնի աշխատակիցների հետ, շնորհավորել նորամուտի կապակցությամբ։ -
29.12.23, 17:49Նոր վարչական շենք՝ ՀՀ ՔԿ Աջափնյակ և Դավթաշեն վարչական շրջանների քննչական բաժնի համար. բացմանը մասնակցել է Արգիշտի Քյարամյանը (տեսանյութ, լուսանկարներ)Շահագործման է հանձնվել Աջափնյակ և Դավթաշեն վարչական շրջանների քննչական բաժնի նոր, վերանորոգված և կահավորված վարչական շենքը։ -
07.12.23, 17:51Վերանորոգվել է Ստեփանավանի քննչական բաժնին հատկացված նոր վարչական շենքը․ բացման արարողությանը ներկա է գտնվել ՀՀ ՔԿ նախագահ Արգիշտի Քյարամյանը (տեսանյութ, լուսանկարներ)ՀՀ քննչական կոմիտեի նախագահ Արգիշտի Քյարամյանն այցելել է ՀՀ Լոռու մարզ։ -
03.11.23, 16:05Վերանորոգվել և շահագործման է հանձնվել ՀՀ քննչական կոմիտեի արխիվի տեղակայման համար հատկացված նոր տարածքը (լուսանկարներ)ՀՀ քննչական կոմիտեի գլխավոր քարտուղար Կարեն Մարգարյանը և ներկաները ծանոթացել են պահոցի վերանորոգված և կահավորված տարածքին, աշխատանքային պայմաններին։ -
16.12.22, 14:27ՀՀ քննչական կոմիտեի նախագահի մասնակցությամբ տեղի է ունեցել ՀՀ ՔԿ Արմավիրի մարզի քննչական վարչության և Վաղարշապատի քննչական բաժնի նոր վարչական շենքերի բացման արարողությունը (տեսանյութ, լուսանկարներ)ՀՀ ՔԿ նախագահը շրջայց է կատարել հիմնանորոգված շենքերում, ծանոթացել ընդհանուր աշխատանքային պայմաններին։ -
20.05.21, 11:53Աշխատանքային այցՀՀ քննչական կոմիտեի գլխավոր քարտուղար Արամ Նիկոյանն աշխատանքային այցով Արմավիրի մարզում էր: -
13.03.20, 15:13Լոռու մարզային քննչական վարչությունն ունի նոր վարչական շենք (լուսանկարներ)ՀՀ քննչական կոմիտեի Լոռու մարզային քննչական վարչության երկհարկանի շենքը հիմնովին վերանորոգվել է:
