ՀՀ քննչական կոմիտեի նախագահի տեղակալ Արթուր Ղամբարյանն այսօր ընդունել է ԱՄՆ դեսպանության անվտանգության ծառայության հետաքննության գծով տեղակալ Կարտեր Բասսին, ով ավարտում է իր առաքելությունն այս պաշտոնում: Հանդիպման ընթացքում ամերիկացի գործընկերը ներկայացրել է ԱՄՆ դեսպանության անվտանգության ծառայության հետաքննության գծով նորանշանակ տեղակալ Քրիստոֆեր Գրուբերին:

ՀՀ ՔԿ նախագահի տեղակալը շնորհակալություն է հայտնել պարոն Բասսին համագործակցության համար և նրան հաջողություն մաղթել իր հետագա առաքելություններում: Ա.Ղամբարյանը հույս է հայտնել, որ համագործակցության՝ ձևավորված ավանդույթները կշարունակվեն նորանշանակ տեղակալի հետ:

Կողմերը քննարկվել են համագործակցությանը վերաբերող հարցեր, ինչպես նաև՝ հետագա գործակցության հեռանկարները:

Մասնավորապես՝ փաստաթղթերի կեղծիքների հետ կապված ՀՀ քննչական կոմիտեի վարույթում քննվող քրեական գործերով ԱՄՆ իրավասու մարմիններին ուղարկվող իրավական օգնություն ցույց տալու մասին հարցումների կատարման օպերատիվությանն և լրիվությանը,
ԱՄՆ դեսպանության հյուպատոսական բաժին մուտքի արտոնագիր ստանալու համար ներկայացվող փաստաթղթերի  (անձնագրեր, ավարտական վկայականներ և այլն) ստուգման արդյունքում հայտնաբերված կեղծիքների դեպքերով ՀՀ քննչական կոմիտեի տարածքային ստորաբաժանումներում հարուցված քրեական գործերով նախաքննության արդյունքների վերաբերյալ հարցեր:

Կողմերը ձեռք են բերել կոնկրետ պայմանավորվածություններ: