ՀՀ ՔԿ ներքին անվտանգության վարչությունում քրեական գործ է հարուցվել Վաղարշապատի քննչական բաժնի առանձին աշխատակիցների կողմից պաշտոնեական անփութություն թույլ տալու դեպքի առթիվ
ՀՀ քննչական կոմիտեի ներքին անվտանգության վարչությունում հարուցվել է քրեական գործ՝ Արմավիրի մարզային քննչական վարչության Վաղարշապատի քննչական բաժնի առանձին աշխատակիցների կողմից պաշտոնեական անփութություն թույլ տալու դեպքի առթիվ։
2017թ. մայիսի 29-ին ՀՀ ՔԿ Արմավիրի մարզային քննչական վարչության Վաղարշապատի քննչական բաժնի պետը զեկուցագիր է ներկայացրել առ այն, որ քննչական բաժնից բացակայում է ՀՀ քրեական դատավարության օրենսգրքի 31-րդ հոդվածի 1-ին մասի 2-րդ կետի հիմքով վարույթը կասեցված մի քրեական գործ:
ՀՀ քննչական կոմիտեի նախագահի հանձնարարությամբ՝ ՀՀ ՔԿ ներքին անվտանգության վարչությունում իրականացվել են նախնական ուսումնասիրություններ, որոնց արդյունքում փաստական տվյալներ են ձեռք բերվել, որ Արմավիրի մարզային քննչական վարչության Վաղարշապատի քննչական բաժնի առանձին պաշտոնատար անձինք իրենց պարտականությունները կատարել են ոչ պատշաճ՝ ծառայության նկատմամբ դրսևորել են անփույթ ու անբարեխիղճ վերաբերմունք, ինչի արդյունքում քննչական բաժնից կորել է քրեական գործ՝ պետության օրինական շահերին պատճառելով էական վնաս:
Դեպքի առթիվ ՀՀ ՔԿ ներքին անվտանգության վարչությունում հարուցվել է քրեական գործ՝ ՀՀ քրեական օրենսգրքի 315-րդ հոդվածի 1-ին մասի հատկանիշներով:
Քրեական գործը, ըստ քննչական ենթակայության, ուղարկվել է ՀՀ հատուկ քննչական ծառայություն։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
-
05.04.24, 17:52Համայնքի բարձրաստիճան պաշտոն զբաղեցնող անձի կողմից առերևույթ պաշտոնեական անփութության հետևանքով Գեղամավան համայնքին պատճառվել է 2․790․000 դրամի վնաս․ նախաքննությունն ավարտվել էՀամայնքապետարանի բարձրաստիճան պաշտոն զբաղեցնող անձը,, անբարեխիղճ և անփույթ վերաբերմունքի հետևանքով պաշտոնավարման ընթացքում իր լիազորությունները պատշաճ չի կատարել, որի հետևանքով համայնքին անզգուշությամբ պատճառվել է 2․790․000 դրամ գույքային վնաս։ -
04.01.23, 07:00«Դիլիջան ազգային պարկ» ՊՈԱԿ տնօրենի պաշտոնակատարի կողմից պաշտոնեական անփութություն կատարելու վարույթի նախաքննությունն ավարտվել էՊարզվել են «Դիլիջան ազգային պարկ» ՊՈԱԿ տնօրենի պաշտոնակատարի կողմից պաշտոնեական անփութության հետևանքով պետությանն անզգուշությամբ ավելի քան 2մլն դրամի վնաս պատճառելու դեպքի հանգամանքներ: -
13.02.20, 12:08Ավագ քննիչի արարքում կարգապահական խախտման հատկանիշներ չեն հայտնաբերվելԱվագ քննիչ Ա.Գյոզալյանի արարքում կարգապահական խախտման հատկանիշներ չեն հայտնաբերվել, և 2020թ. փետրվարի 12-ին ուսումնասիրությունը դադարեցվել է: -
28.10.19, 10:03Ապարան համայնքի ղեկավարին մեղադրանք է առաջադրվել շենքերի և շինությունների ինքնակամ կառուցումը կասեցնելու, կանխարգելելու ուղղությամբ օրենքով սահմանված կարգով միջոցներ չձեռնարկելու համարՁեռք բերված բավարար ապացույցների հիման վրա՝ Ապարան համայնքի ղեկավարին մեղադրանք է առաջադրվել: -
25.04.18, 16:51Քննչական մարմիններն ապաքաղաքական մարմիններ են, և ծառայողները պարտավոր են ցուցաբերել քաղաքական զսպվածությունՔննչական կոմիտեի ծառայողը յուրաքանչյուր պարագայում պարտավոր է դրսևորել քաղաքական զսպվածություն և չեզոքություն: -
20.04.18, 11:08Քննիչի նկատմամբ կիրառվել է «պաշտոնից ազատում» կարգապահական տույժըԲավարար տվյալներ են ձեռք բերվել՝ քննիչի կողմից իր վարույթում քննվող քրեական գործով ՀՀ քրեական դատավարության օրենսգրքով սահմանված նորմերը խախտելու վերաբերյալ: -
16.08.17, 14:22Արձագանք հրապարակմանը. նախնական ուսումնասիրության նյութերն ուղարկվել են ՀՔԾՈւսումնասիրվել են Hetq.am կայքում հրապարակված հոդվածում մատնանշված հանգամանքները։ -
27.06.17, 13:36Կաշառք պահանջելու վերաբերյալ նյութերն ուղարկվել են ՀՔԾՔԿ ներքին անվտանգության վարչությունում ահազանգ է ստացվել՝ բռնաբարության դեպքի առթիվ քննվող քրեական գործի վարույթը կարճելու համար գումար պահանջելու վերաբերյալ։