ՀՀ քննչական կոմիտեի նախագահ Աղվան Հովսեփյանը հանդիպել է Հետաքննության դաշնային բյուրոյի տնօրեն (FBI) Ջեյմս Բ.Քոմիի հետ. համաձայնություն է ձեռք բերվել զարգացնել համագործակցությունը
ՀՀ քննչական կոմիտեի նախագահ Աղվան Հովսեփյանը մարտի 21-ին Վաշինգտոնում հանդիպել է ԱՄՆ Հետաքննության դաշնային բյուրոյի (FBI) տնօրեն Ջեյմս Բ.Քոմիի հետ:
Հանդիպման ընթացքում կողմերը քննարկել են Քննչական Կոմիտեի և Հետաքննության դաշնային բյուրոյի միջև համագործակցության զարգացման ուղիներին վերաբերող հարցերի լայն շրջանակ՝ կարևորելով կոռուպցիայի դեմ պայքարի, անդրազգային հանցավորության դեմ պայքարի շրջանակում երկու պետությունների համագործակցությունը, քննության մեթոդիկայի վերաբերյալ փորձի փոխանակումը։
Զրուցակիցները հույս հայտնեցին, որ այս հանդիպումը նախազգուշացում կլինի հանցագործներին, որ երկու երկրների քննչական մարմինները պատրաստակամ են սերտորեն համագործակցել, և քրեական հետապնդումից խուսափելու համար նրանք չեն կարող թաքնվել ԱՄՆ-ում և Հայաստանում։
ՀՀ ՔԿ նախագահ Աղվան Հովսեփյանը շնորհակալություն հայտնեց ՀՀ ՔԿ վարույթում քննված կոնկրետ քրեական գործերով ՀԴԲ-ի կողմից ցուցաբերված իրավական օգնության համար, որի արդյունքում հնարավոր է եղել բացահայտել մի շարք հանցագործություններ, այդ թվում՝ պետական միջոցներից խաբեությամբ հարյուր հազարավոր դոլարների հափշտակության դեպք։ Կոնկրետ քրեական գործերով համագործակցությունը լավագույն վկայությունն է՝ պատժի անխուսափելիության համար։
Հանդիպման ընթացքում կողմերը ձեռք են բերել մի շարք պայմանավորվածություններ՝ փոխադարձ իրավական օգնություն ցուցաբերելու, համագործակցությունը խորացնելու վերաբերյալ։
ՀՀ ՔԿ նախագահ Աղվան Հովսեփյանը ՀԴԲ-ի տնօրեն Ջեյմս Բ.Քոմիին հրավիրել է Հայաստան, որի ժամկետները կքննարկվեն աշխատանքային կարգով։
ՀՀ ՔԿ նախագահ Աղվան Հովսեփյանի գլխավորած պատվիրակությունը հանդիպումներ է ունեցել նաև ՀԴԲ-ի պետական կոռուպցիայի բաժնի պատասխանատուների հետ՝ քննարկելով կոռուպցիայի դեմ պայքարում օպերատիվ աշխատանքային խմբերի դերին վերաբերող հարցեր:
ԱՄՆ կատարած աշխատանքային այցի շրջանակներում Ա.Հովսեփյանը հանդիպել է ՀԴԲ լաբորատորիայի տնօրենի հետ, ծանոթացել աշխատանքային պայմաններին, իրականացվող փորձաքննությունների շրջանակներին, քննարկումներ ունեցել, այդ թվում՝ ԴՆԹ վերլուծող, դատաձգաբանական և գործիքաբանական փորձագետների, պրակտիկ աշխատողներ հետ։
Ա.Հովսեփյանը շրջայց է կատարել նաև Հետաքննությունների դաշնային բյուրոյի Ակադեմիայիում, ծանոթացել քննիչների վերապատրաստման և ուսումնական ծրագրերին։
Համաձայնություն է ձեռք բերվել՝ Քննչական կոմիետի վարույթում քննվող քրեական գործերով, ըստ անհրաժեշտության, առանձին փորձաքննությունների անցկացման հարցում ՀԴԲ-ի լաբորատորիայի փորձագետների կողմից մասնագիտական աջակցություն ցուցաբերելու, կոմիտեի աշխատակիցների վերապատրաստումները կազմակերպելու վերաբերյալ։
-
16.05.18, 19:27ՀՀ քննչական կոմիտեի նախագահ Աղվան Հովսեփյանը այցելել է Բելառուսի Քննչական կոմիտեի տարածքային ստորաբաժանումներՔԿ նախագահ Աղվան Հովսեփյանը ծանոթացել Բելառուսի ՔԿ-ում ստեղծված աշխատանքային պայմաններին, արխիվի վարման կառուցակարգերին, անչափահասների հարցաքննությունների համար նախատեսված սենյակներին։ -
14.05.18, 10:25ՀՀ քննչական կոմիտեի նախագահ Աղվան Հովսեփյանի գլխավորած պատվիրակությունը մեկնել է ԲելոռուսՔԿ նախագահ Աղվան Հովսեփյանի գլխավորած պատվիրակությունը մեկնել է Բելոռուս՝ մասնակցելու Հայաստանի, Ռուսաստանի և Բելոռուսի քննչական կոմիտեների 3-րդ համատեղ կոլեգիայի նիստի աշխատանքներին։ -
02.02.18, 13:50ՀՀ ՔԿ նախագահ Աղվան Հովսեփյանն աշխատանքային այցով գտնվել է Արցախի Հանրապետությունում (Լուսանկարներ)ՔԿ նախագահ Աղվան Հովսեփյանը աշխատանքային այցով մեկնել է Արցախի Հանրապետություն, որտեղ մասնակցել է կայազորային քննչական բաժինների աշխատանքներին նվիրված խորհրդակցությանը։ -
19.12.17, 10:16ՀՀ ՔԿ նախագահ Աղվան Հովսեփյանը հանդիպում է ունեցել ՌԴ ՔԿ նախագահ Ալեքսանդր Բաստրիկինի հետ (Լուսանկարներ)Երկու երկրների քննչական կոմիտեների նախագահներն անդրադարձել են համագործակցությունը զարգացնելու հեռանկարներին: -
23.09.17, 08:36ՀՀ ՔԿ Նախագահ Աղվան Հովսեփյանը հանդիպումներ է ունեցել Ռուսաստանի և Բելառուսի քննչական կոմիտեների նախագահների հետՔԿ նախագահ Աղվան Հովսեփյանի գլխավորած պատվիրակությունը մասնակցել է ՌԴ քննչական կոմիտեի ստեղծման 10-ամյակին նվիրված տոնական միջոցառումներին։ -
22.09.17, 11:22ՔԿ նախագահ Աղվան Հովսեփյանը աշխատանքային այցով գտնվում է Ռուսաստանի ԴաշնությունումՔԿ նախագահ Աղվան Հովսեփյանի գլխավորած պատվիրակությունը կմասնակցի Ռուսաստանի Դաշնության քննչական կոմիտեի կազմավորման 10-ամյակին նվիրված միջոցառմանը: -
25.04.17, 11:20Աղվան Հովսեփյանն աշխատանքային այցով կմեկնի Ռուսաստանի ԴաշնությունՔԿ նախագահի գլխավորած պատվիրակությունը կմեկնի Սանկտ Պետերբուրգ՝ մասնակցելու Հայաստանի Հանրապետության, Բելառուսի Հանրապետության և Ռուսաստանի Դաշնության քննչական կոմիտեների կոլեգիայի նիստին: -
27.12.16, 13:56Աշխատանքային այցով Թեհրանում գտնվող ՀՀ ՔԿ նախագահ Աղվան Հովսեփյանը հանդիպել է ԻԻՀ արդարադատության նախարարի հետ (Լուսանկարներ)ՀՀ քննչական կոմիտեի նախագահ Աղվան Հովսեփյանը Թեհրանում հանդիպել է ԻԻՀ արդարադատության նախարար Մոսթաֆա Փուրմոհամադիի հետ: