ՀՀ քննչական կոմիտեի նախագահ Հայկ Գրիգորյանը ամփոփել է ՔԿ ԵՔՔՎ Քանաքեռ-Զեյթուն վարչական շրջանի քննչական բաժնի կողմից 2018թ. ընթացքում կատարված աշխատանքները (լուսանկարներ)
ՀՀ քննչական կոմիտեի նախագահ Հայկ Գրիգորյանն այցելել է ՀՀ ՔԿ Երևան քաղաքի քննչական վարչության Քանաքեռ-Զեյթուն վարչական շրջանի քննչական բաժին՝ բաժնի կողմից 2018 թվականի ընթացքում կատարված աշխատանքներն ամփոփելու նպատակով:
ՀՀ ՔԿ ԵՔՔՎ Քանաքեռ-Զեյթուն վարչական շրջանի քննչական բաժնի պետ Արման Նահապետյանը ներկայացրել է 2018 թվականի ընթացքում քննչական բաժնի կողմից կատարված աշխատանքները:
Ըստ այդմ՝ հաշվետու ժամանակահատվածում Քանաքեռ-Զեյթուն վարչական շրջանի քննչական բաժնում փաստացի աշխատել է 8 քննիչ, քննվել է 504 քրեական գործ՝ նախորդ տարվա 430 քրեական գործի դիմաց, քննիչի ծանրաբեռնվածությունը կազմել է 63 քրեական գործ:
Հաշվետու ժամանակահատվածում քննչական բաժնի վարույթում քննված քրեական գործերի քանակը նախորդ տարվա համեմատ աճել է 17.68%-ով, ինչը պայմանավորված է նաև նախորդ տարվա նույն ժամանակահատվածի համեմատ կոռուպցիոն բնույթի հանցագործությունների աճով:
ՀՀ քննչական կոմիտեի նախագահ Հայկ Գրիգորյանը ոլորտ առ ոլորտ քննարկել է հարուցված քրեական գործերի ընթացքը, ինչպես նաև տվել հանձնարարականներ՝ քրեական գործերի նախաքննությունն առավել արդյունավետ կազմակերպելու, նախաքննության որակի բարձրացման, քննության օպերատիվության վերաբերյալ:
ՀՀ ՔԿ նախագահ Հայկ Գրիգորյանը քննչական բաժնի անձնակազմին հորդորել է քաղաքացիների հետ շփումներում դրսևորել սրտացավ և կոռեկտ վարքագիծ:
«Քաղաքացին, ի դեմս ձեզ, տեսնում է պետություն և ձեր կողմից յուրաքանչյուր ոչ կոռեկտ վարքագիծ նույնացվում է համակարգի և պետության հետ: Դուք պետք է պատշաճ վերաբերմունք ցուցաբերեք յուրաքանչյուր քաղաքացու նկատմամբ, իսկ ծանր կամ առանձնապես ծանր հանցագործություններից տուժող քաղաքացիներին կամ նրանց իրավահաջորդներին պետք է ընդունեն ստորաբաժանման ղեկավարները»,- շեշտել է ՔԿ նախագահը:
ՔԿ նախագահ Հայկ Գրիգորյանը դրական է գնահատել Քանաքեռ-Զեյթուն վարչական շրջանի քննչական բաժնի կատարած աշխատանքը, միևնույն ժամանակ շեշտել, որ հարկավոր է ոչ միայն պահպանել, այլ նաև ավելացնել աշխատանքի ինտենսիվությունը:
«Քննիչը պետք է ունենա սպայի հոգեբանություն, պետք է լինի պարկեշտ, ազնիվ և պատրաստակամ»,- ասել է ՔԿ նախագահը՝ հանձնարարելով բաժնի պետին ծառայության ընթացքում առավել լավ ցուցանիշներ արձանագրած աշխատակիցներին ներկայացնել խրախուսման:
-
14.09.23, 10:27Տեղեկատվություն՝ ՀՀ քննչական կոմիտեի` 2023թ. առաջին կիսամյակի ընթացքում կատարված աշխատանքների մասինՔննչական մարմինների վարույթում քննված քրեական վարույթներից 149.673-ը կամ շուրջ 98.4%-ը քննվել է Կոմիտեի վարույթում:
-
25.02.20, 11:54ՀՀ ՔԿ նախագահ Հայկ Գրիգորյանի հանձնարարությամբ՝ Զինվորական քննչական գլխավոր վարչության պետն աշխատանքային այցով մեկնել է Սյունիքի և Վայոց ձորի մարզեր (լուսանկարներ)Բարձրացվել են զորքերում առկա խնդիրները և նախանշվել դրանց լուծման ուղիները, կարևորվել է հանցագործությունների կանխարգելման գործում նախաքննական մարմնի դերը: -
24.02.20, 10:54Ամփոփվել են Զինվորական քննչական գլխավոր վարչության առաջին, երկրորդ և երրորդ կայազորային քննչական բաժինների`2019 թվականի կատարած աշխատանքները (լուսանկարներ)ՀՀ ՔԿ ԶՔԳՎ պետ Արտակ Կրկյաշարյանը ամփոփման ընթացքում տվել է կոնկրետ հանձնարարականներ՝ աշխատանքի կազմակերպման և քննության արդյունավետությունը բարձրացնելու ուղղությամբ։ -
11.09.19, 12:54Ամփոփ տվյալներ՝ 2019 թվականի 1-ին կիսամյակում ՀՀ քննչական կոմիտեում և ենթակա ստորաբաժանումներում կատարված աշխատանքների վերաբերյալՊետությանը պատճառված գույքային վնասի վերականգնված գումարի չափը և այդ նպատակով կալանք դրված գույքի արժեքը նախորդ տարվա համեմատությամբ էականորեն աճել են: -
30.07.19, 08:51Քննչական կոմիտեի նախագահը խորհրդակցություն է անցկացրել Շիրակի մարզային քննչական վարչությունում և ընդունել է քաղաքացու (լուսանկարներ)Խորհրդակցության ընթացքում ՔԿ նախագահը հանձնարարություն է տվել՝ նախաքննության ընթացքն առավել արդյունավետ կազմակերպելու վերաբերյալ: -
07.05.19, 09:57Տեղեկանք՝ 2019 թվականի առաջին եռամսյակում ՀՀ քննչական կոմիտեում և ենթակա ստորաբաժանումներում կատարված աշխատանքների հիմնական ցուցանիշների վերաբերյալՀանրապետությունում նախաքննություն կատարելու իրավասությամբ օժտված քննչական մարմինների վարույթում քննված քրեական գործերից 10.879-ը կամ շուրջ 92.4 %-ը քննվել է Կոմիտեի քննիչների վարույթում: -
10.04.19, 15:52Քննչական կոմիտեի նախագահ Հայկ Գրիգորյանն աշխատանքային այցով մեկնել է Լոռու մարզ (լուսանկարներ)ՔԿ նախագահ Հայկ Գրիգորյանն աշխատանքային այցով մեկնել է Լոռու մարզ՝ ամփոփելու մարզային քննչական վարչության` 2018 թվականի և 2019 թվականի առաջին եռամսյակում կատարված աշխատանքները: -
28.03.19, 12:20Քննչական կոմիտեի նախագահ Հայկ Գրիգորյանն աշխատանքային այց է կատարել Տավուշի մարզ (լուսանկարներ)ՔԿ նախագահի հանձնարարությամբ կձեռնարկվեն մի շարք քայլեր՝ ապօրինի ծառահատումներ թույլ չտալու, ինչպես նաև՝ փայտանյութի տեղափոխման օրինականությունն ստուգելու նպատակով: