ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 
ՔՆՆՉԱԿԱՆ ԿՈՄԻՏԵԻ ՆԱԽԱԳԱՀԻ

Հայաստանի Հանրապետության քննչական կոմիտեի մինչդատական վարույթ իրականացնող մարմինների և ստորաբաժանումների վարույթում քննվող քրեական գործերով առանձին քննչական կամ այլ դատավարական գործողությունների կատարման արդյունքների հաշվառումն ապահովելու նպատակով, ղեկավարվելով «Հայաստանի Հանրապետության քննչական կոմիտեի մասին» Հայաստանի Հանրապետության օրենքի 12-րդ հոդվածի 2-րդ մասի 3-րդ կետով՝

Հրամայում եմ՝

1. Սահմանել Հայաստանի Հանրապետության քննչական կոմիտեի (այսուհետ՝ Կոմիտե) մինչդատական վարույթ իրականացնող մարմիններում և ստորաբաժանումներում վարման ենթակա հաշվառման մատյանների հետևյալ տեսակները՝

1) քրեական գործերի հաշվառման մատյան,
2) նյութերի հաշվառման մատյան,
3) իրեղեն ապացույցների, առգրավված, կալանք դրված գույքի և այլ արժեքների հաշվառման մատյան,
4) փորձաքննությունների հաշվառման մատյան: (կետը. փոփ. 15.09. 2020թ. N 149 -L

2. Հաստատել Հայաստանի Հանրապետության քննչական կոմիտեի մինչդատական վարույթ իրականացնող մարմիններում և ստորաբաժանումներում վարման ենթակա հաշվառման մատյանների ձևերը համաձայն N 1-4-րդ հավելվածների։ (կետը. փոփ. 15.09. 2020թ. N 149 -L)

2.1. Յուրաքանչյուր եռամսյակի ավարտից հետո հինգ աշխատանքային օրվա ընթացքում նշանակված փորձաքննությունների վերաբերյալ ներկայացնել հաշվետվություն Հայաստանի Հանրապետության քննչական կոմիտեի հատուկ հանձնարարությունների, կազմակերպական-վերլուծական և քրեագիտական գլխավոր վարչություն: (կետը. լրաց. 15.09. 2020թ. N 149 -L

3. Սույն հրամանի կատարումը հանձնարարել Հայաստանի Հանրապետության քննչական կոմիտեի մինչդատական վարույթ իրականացնող մարմինների և ստորաբաժանումների, ինչպես նաև Հայաստանի Հանրապետության քննչական կոմիտեի հատկապես կարևոր գործերի քննության գլխավոր վարչության ենթաստորաբաժանումների պետերին։ (կետը. փոփ. 15.09. 2020թ. N 149 -L)

4. Հայաստանի հանրապետության քննչական կոմիտեի դեպարտամենտի ղեկավարին մինչև 2015թ. հուլիսի 1-ն ապահովել սույն հրամանի 1-ին կետի ենթակետերով հաստատված մատյանների տպագրությունը։

5. Սույն հրամանի կատարման նկատմամբ վերահսկողությունը հանձնարարել համապատասխանաբար Կոմիտեի տարածքային քննչական վարչությունների:
գործունեության վերահսկողության գլխավոր վարչության, զինվորական քննչական գլխավոր վարչության վերահսկողության վարչության պետերին և հատկապես կարևոր գործերի քննության գլխավոր վարչության պետի տեղակալին։ (կետը. փոփ. 15.09. 2020թ. N 149 -L)

6.Հրամանն ուղարկել Հայաստանի Հանրապետության քննչական կոմիտեի նախագահի տեղակալներին, մարմինների և ստորաբաժանումների պետերին, Հայաստանի Հանրապետության քննչական կոմիտեի դեպարտամենտի ղեկավարին։

Ա. Գ. Հովսեփյան