ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՔՆՆՉԱԿԱՆ ԿՈՄԻՏԵԻ ՆԱԽԱԳԱՀԻ

ՀՐԱՄԱՆԸ 

28.07.2022թ. N114-Լ

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔՆՆՉԱԿԱՆ ԿՈՄԻՏԵԻ
ՎԵՏԵՐԱՆՆԵՐԻ ԽՈՐՀՐԴԻ ՁԵՎԱՎՈՐՄԱՆ ԱՇԽԱՏԱՆՔՆԵՐՆ ԻՐԱԿԱՆԱՑՆԵԼՈՒ ՄԱՍԻՆ

 

Ղեկավարվելով «Հայաստանի Հանրապետության քննչական կոմիտեի մասին» Հայաստանի Հանրապետության օրենքի 12-րդ հոդվածի 2-րդ մասի 3-րդ կետով և  Հայաստանի Հանրապետության քննչական կոմիտեում երկարամյա ծառայության ստաժ ունեցող անձանց հանրային, հանրօգուտ գործունեությունը խթանելու, բարեկեցությունն ապահովելու, իրավունքների և շահերի պաշտպանության համար աջակցություն ցուցաբերելու նպատակով.

Հրամայում եմ.

1. Հայաստանի Հանրապետության քննչական կոմիտեում (այսուհետ՝ Կոմիտե) երկարամյա ծառայության ստաժ ունեցող անձանց իրավունքների և շահերի պաշտպանությանն աջակցելու նպատակով իրականացնել Կոմիտեի վետերանների խորհուրդ ձևավորելու աշխատանքներ:

2. Կոմիտեի վետերանների խորհրդում անդամակցությունը կատարվում է կամավորության սկզբունքով:

3. Կոմիտեի անձնակազմի կառավարման վարչության պետին՝ 
Կոմիտեի վետերանների խորհուրդ ձևավորելու և անդամներով հավաքագրելու նպատակով մինչև 2022 թվականի հոկտեմբերի 1-ը Կոմիտեի նախագահի տեղակալ Ա. Այվազյանին ներկայացնել այն անձանց տվյալները, ովքեր ցանկություն են հայտնել ընդգրկվելու Կոմիտեի վետերանների խորհրդում:

4. Կոմիտեի նախագահի տեղակալ Ա. Այվազյանին՝
1) աջակցություն ցուցաբերել Կոմիտեի վետերանների խորհրդի ձևավորման  աշխատանքներում.
2) մինչև 2022 թվականի նոյեմբերի 1-ը Կոմիտեի նախագահին ներկայացնել Կոմիտեի վետերանների խորհրդում ընդգրկվելու ցանկություն հայտնած անձանց ցանկը և կանոնադրության նախագիծը:

5. Սույն հրամանն ուղարկել Կոմիտեի նախագահի տեղակալներին, խորհրդականներին, Կոմիտեի հիմնական մասնագիտական կառուցվածքային ստորաբաժանումների պետերին, Կոմիտեի գլխավոր քարտուղարին և Կոմիտեի անձնակազմի կառավարման վարչության պետին: 

Ա. Քյարամյան