ք.Երևան, 23.08.2019թ., 129-L

Ղեկավարվելով «Հայաստանի Հանրապետության քննչական կոմիտեի մասին» Հայաստանի Հանրապետության օրենքի 12-րդ հոդվածի 2-րդ մասի 3-րդ կետով`

Հանձնարարում եմ՝

1.Հայաստանի Հանրապետության քննչական կոմիտեի նախագահի 2018 թվականի հոկտեմբերի 29-ի «Հայաստանի Հանրապետության քննչական կոմիտեի վերահսկողական գործառույթներ իրականացնող ստորաբաժանումների աշխատանքները պատշաճ կազմակերպելու, նախաքննության ընթացքում թույլ տրված թերությունները հնարավոր սեղմ ժամկետում հայտնաբերելու և վերացնելու վերաբերյալ» թիվ 168-Լ հանձնարարականում (այսուհետ՝ հանձնարարական) կատարել հետևյալ փոփոխություններն ու լրացումը.

1) հանձնարարականի 1-ին կետի 2-րդ ենթակետը շարադրել հետևյալ խմբագրությամբ.
«2) սույն հանձնարարականի 1-ին կետի 1-ին ենթակետով նախատեսված փաստաթղթերի պատճենները ներկայացնելու հետ միաժամանակ դրանց,  ինչպես նաև Հայաստանի Հանրապետության քրեական դատավարության օրենսգրքի 200-րդ հոդվածով սահմանված կարգով  ներկայացված միջնորդագրերի, միջնորդագրերի քննարկման արդյունքում ստացված գրավոր հաղորդումների վերաբերյալ ամփոփ թվային տվյալները (Ձև 1) «մալբրի» էլեկտրոնային համակարգով ուղարկել Կոմիտեի կազմակերպական-վերլուծական բաժին:»:

2) հանձնարարականը լրացնել հետևյալ բովանդակությամբ նոր` 2.1-րդ կետով.
«2.1.Կոմիտեի տարածքային քննչական վարչությունների գործունեության վերահսկողության գլխավոր վարչության և ԶՔԳՎ վերահսկողության վարչության պետերին՝ յուրաքանչյուր ամիս վերլուծության ենթարկել քրեական գործերով հսկող դատախազների նույնանման փաստական հանգամանքների վերաբերյալ տարբեր իրավական դիրքորոշում արտահայտող  ցուցումները և արդյունքները զեկուցագրով ներկայացնել Կոմիտեի նախագահին  մինչև հաջորդող ամսվա 10-ը:»:

3) հանձնարարականի 3-րդ կետը շարադրել հետևյալ խմբագրությամբ.
«3.Կոմիտեի   կազմակերպական-վերլուծական   բաժնի  պետին՝ ամփոփել սույն հանձնարարականի 1-ին կետի 2-րդ ենթակետով սահմանված կարգով ստացված թվային տվյալները  շաբաթական  և ամսական կտրվածքով:  Շաբաթական ամփոփ թվային տվյալները Կոմիտեի նախագահին ներկայացնել յուրաքանչյուր երեքշաբթի, իսկ ամսական ամփոփումները՝ գրավոր զեկուցագրի տեսքով՝ մինչև հաջորդող ամսվա 10-ը:»:

4) Ձև 1-ը շարադրել հետևյալ խմբագրությամբ՝ համաձայն N1 հավելվածի:

2. Սույն հանձնարարականն ուղարկել Կոմիտեի նախագահի տեղակալներին, Կոմիտեի մարմինների և ստորաբաժանումների պետերին:

Հ. Գրիգորյան

Հավելված N 1

Հայաստանի Հանրապետության

 քննչական կոմիտեի նախագահի

                                                                                                                                        «     » ___  2019թ.

        N   - Լ հանձնարարականի 

Ձև 1

                                                                                                                                                                                             :