ք.Երևան, 16.11.2016, Թիվ 60-Լ



Համաձայն Հայաստանի  Հանրապետության  կառավարության  1997 թվականի  դեկտեմբերի 30-ի թիվ 626-կգ  որոշմամբ հաստատված՝ «Հայաստանի Հանրապետությունում գաղտնիության ռեժիմն ապահովելու վերաբերյալ» հրահանգի  10.126-րդ, 10.127-րդ և 10.166-րդ կետերի, Հայաստանի  Հանրապետության  քննչական  կոմիտեում  փաստաթղթերի արժեքավորության փորձաքննության կազմակերպման և անցկացման, դրանց ընտրության ու գերատեսչական գաղտնի արխիվ ի պահ հանձնելու կամ ոչնչացնելու, հատուկ կարևորության, հույժ գաղտնի և գաղտնի փաստաթղթերի ու գործերի առկայության տարեկան ստուգում անցկացնելու համար, ղեկավարվելով  «Հայաստանի  Հանրապետության  քննչական  կոմիտեի մասին»  Հայաստանի  Հանրապետության օրենքի 12-րդ  հոդվածի 2-րդ  մասի  3-րդ կետով.

                                                                                                               ՀՐԱՄԱՅՈՒՄ  ԵՄ՝


1. Հայաստանի Հանրապետության քննչական կոմիտեի կենտրոնական մարմնում ստեղծել  մշտապես գործող փորձաքննական հանձնախումբ  հետևյալ  կազմով՝

    Հանձնախմբի  նախագահ՝

    Պետրոսյան Թաթուլ Ռուշանի                    Հայաստանի Հանրապետության քննչական
                                                                 կոմիտեի  Հայաստանի Հանրապետության
                                                                 քննչական կոմիտեի տարածքային քննչական
                                                                 վարչությունների գործունեության
                                                                 վերահսկողության գլխավոր վարչության պետ

   Հանձնախմբի  անդամներ՝

       Զալինյան Աշոտ Միքայելի                    Հայաստանի Հանրապետության քննչական
                                                                կոմիտեի դեպարտամենտի  ղեկավար

      Տոնոյան Սամվել Սումբատի                  Հայաստանի Հանրապետության քննչական
                                                                կոմիտեի հատկապես կարևոր գործերի
                                                                քննության գլխավոր վարչության պետի տեղակալ

     Զեյնալյան Ժիրայր Սերոբի                    Հայաստանի Հանրապետության քննչական 
                                                               կոմիտեի ԶՔԳՎ վերահսկողության և
                                                               քրեական գործերի քննության
                                                               աջակցության վարչության կայազորային 
                                                               քննչական բաժինների գործունեության
                                                               վերահսկողության բաժնի պետ

    Թևոսյան Սոնա Ալեքսանդրի                  Հայաստանի Հանրապետության քննչական
                                                               կոմիտեի  դեպարտամենտի արխիվի պետ                                           
 
     Սաֆարյան Լևոն Լուսեղենի                  Հայաստանի Հանրապետության քննչական
                                                              կոմիտեի  դեպարտամենտի  առաջին
                                                              բաժնի գլխավոր մասնագետ


 Հանձնախմբի քարտուղար՝   

      Ղոնյան Լիանա Յուրիի                     Հայաստանի Հանրապետության քննչական
                                                            կոմիտեի դեպարտամենտի առաջին  բաժնի
                                                            առաջատար մասնագետ                                                  

 2. Հայաստանի Հանրապետության քննչական կոմիտեի Երևան քաղաքի քննչական վարչությունում ստեղծել մշտապես գործող փորձաքննական հանձնախումբ բաղկացած չորս ծառայողից, հանձնախմբի նախագահ`  քննչական կոմիտեի Երևան քաղաքի քննչական վարչության պետի տեղակալ, անդամներ՝   քննչական կոմիտեի դեպարտամենտի Երևան քաղաքի քննչական վարչության տարածքային բաժնի պետ, քննչական կոմիտեի դեպարտամենտի Երևան քաղաքի քննչական վարչության տարածքային  բաժնի  գլխավոր մասնագետ, քննչական կոմիտեի Երևան քաղաքի քննչական վարչության հատկապես կարևոր գործերով ավագ քննիչ:

2.1 Հայաստանի Հանրապետության քննչական կոմիտեի Երևան քաղաքի քննչական վարչության վարչական շրջանների քննչական բաժիններում, ինչպես նաև Զվարթնոց միջազգային օդանավակայանի տարածքում կատարված հանցագործությունների քննության և ճանապարհատրանսպորտային հանցագործությունների քննության բաժիններում ստեղծել մշտապես գործող հանձնախմբեր՝ բաղկացած երեք ծառայողից, հանձնախմբի նախագահ՝ քննչական բաժնի պետի տեղակալ, անդամներ՝ քննչական կոմիտեի դեպարտամենտի տարածքային բաժնի պետ,  քննչական կոմիտեի դեպարտամենտի տարածքային բաժնի գլխավոր մասնագետ: (կետը լրաց. 14.06.2018թ. N 73-Լ)

3. Հայաստանի Հանրապետության քննչական կոմիտեի մարզային քննչական վարչություններում ստեղծել մշտապես գործող փորձաքննական հանձնախմբեր  բաղկացած  չորս ծառայողից, հանձնախմբի նախագահ` քննչական կոմիտեի մարզային վարչության պետի տեղակալ, անդամներ` քննչական կոմիտեի դեպարտամենտի մարզային քննչական վարչության տարածքային բաժնի պետ, քննչական կոմիտեի դեպարտամենտի մարզային քննչական վարչության տարածքային բաժնի գլխավոր մասնագետ, քննչական կոմիտեի մարզային քննչական վարչության հատկապես կարևոր գործերով ավագ քննիչ:

4. Հայաստանի Հանրապետության քննչական կոմիտեի զինվորական քննչական գլխավոր վարչությունում ստեղծել մշտապես գործող փորձաքննական հանձնախումբ բաղկացած չորս ծառայողից, հանձնախմբի նախագահ՝ քննչական կոմիտեի զինվորական քննչական գլխավոր վարչության պետի տեղակալ, անդամներ՝ քննչական կոմիտեի դեպարտամենտի զինվորական քննչական գլխավոր վարչության տարածքային բաժնի պետ, քննչական կոմիտեի դեպարտամենտի զինվորական քննչական գլխավոր վարչության տարածքային բաժնի գլխավոր մասնագետ, քննչական կոմիտեի զինվորական քննչական գլխավոր վարչության հատկապես կարևոր գործերով ավագ քննիչ:

5. Հայաստանի Հանրապետության քննչական կոմիտեի զինվորական քննչական գլխավոր վարչության կայազորային քննչական բաժիններում ստեղծել  մշտապես գործող փորձաքննական հանձնախմբեր  բաղկացած  երեք ծառայողից,  հանձնախմբի նախագահ` քննչական կոմիտեի զինվորական քննչական գլխավոր վարչության կայազորային քննչական բաժնի պետի տեղակալ, անդամներ`  քննչական կոմիտեի դեպարտամենտի կայազորային քննչական բաժնի տարածքային բաժնի պետ, քննչական կոմիտեի դեպարտամենտի կայազորային քննչական բաժնի տարածքային բաժնի գլխավոր մասնագետ:

6. Հանձնախմբերի նախագահներին՝

1) իրականացնել գաղտնի փաստաթղթերի արժեքավորության փորձաքննության կազմակերպման և անցկացման, դրանց ընտրության ու գերատեսչական գաղտնի արխիվ ի պահ հանձնելու կամ ոչնչացնելու, հատուկ կարևորության, հույժ գաղտնի և գաղտնի փաստաթղթերի ու գործերի առկայության տարեկան ստուգում անցկացնելու աշխատանքները,
2) ուսումնասիրել մշտական կամ ժամանակավոր պահպանման ենթակա գաղտնի փաստաթղթերի գույքացուցակները, իրականացնել գաղտնի փաստաթղթերի և գործերի ամենամյա ընտրություն` պահպանման կամ ոչնչացման համար,
3) կազմել գաղտնի փաստաթղթերի ու գործերի ոչնչացման ակտ երկու օրինակից, դրանք ուղարկել քննչական կոմիտեի դեպարտամենտի առաջին բաժին` կատարված գրառումների և հաշվառման տվյալների համապատասխանությունը  ստուգելու համար,
4) կազմել հատուկ կարևորության, հույժ գաղտնի և գաղտնի փաստաթղթերի ու գործերի առկայության տարեկան ստուգում անցկացնելու մասին ակտ երկու օրինակից, մեկ օրինակն ուղարկել քննչական կոմիտեի դեպարտամենտի առաջին բաժին՝ ի տնօրինություն:

7. Հայաստանի Հանրապետության քննչական կոմիտեի դեպարտամենտի առաջին բաժնի պետին` ներկայացված գաղտնի փաստաթղթերի ու գործերի ոչնչացման ակտերի  ճշտությունը ստուգելուց հետո մեկ օրինակը վերադարձնել համապատասխան ստորաբաժանմանը:

8. Հրամանն ուղարկել  Հայաստանի  Հանրապետության  քննչական  կոմիտեի  մարմինների և  ստորաբաժանումների պետերին, Հայաստանի  Հանրապետության  քննչական  կոմիտեի  դեպարտամենտի ղեկավարին:

                                                                                                                                                                                                                                                                                                                                                           Ա. Գ. ՀՈՎՍԵՓՅԱՆ