ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՔՆՆՉԱԿԱՆ ԿՈՄԻՏԵԻ ՆԱԽԱԳԱՀԻ

        Հրաման՝   

17.03.2020թ., ք.Երևան 42-Լ  

Հաշվի առնելով Հայաստանի Հանրապետությունում նոր կորոնավիրուսային հիվանդության (COVID-19) տարածման դեպքերը, հիմք ընդունելով «Հայաստանի Հանրապետությունում արտակարգ դրություն հայտարարելու մասին» Հայաստանի Հանրապետության կառավարության 2020 թվականի մարտի 16-ի թիվ 298-Ն որոշման դրույթները և ղեկավարվելով «Հայաստանի Հանրապետության քննչական կոմիտեի մասին» Հայաստանի Հանրապետության օրենքի 12-րդ հոդվածի 2-րդ մասի 3-րդ կետով՝

Հրամայում եմ՝

1. Հայաստանի Հանրապետության քննչական կոմիտեի մարմիններում և ստորաբաժանումներում կանխարգելիչ հակահամաճարակային միջոցառումների կազմակերպման և արագ արձագանքման նպատակով ստեղծել օպերատիվ շտաբ հետևյալ կազմով՝

2. Հայաստանի Հանրապետության քննչական կոմիտեի մարմինների, ստորաբաժանումների պետերին և  Հայաստանի Հանրապետության քննչական կոմիտեի գլխավոր քարտուղարին՝ ամենօրյա ռեժիմով օպերատիվ շտաբին տեղեկատվություն ներկայացնել՝

1) Հայաստանի Հանրապետության քննչական կոմիտեի նախագահի 2020 թվականի մարտի 17-ի թիվ 41-Լ հանձնարարականի 1-ին կետի 1-ին ենթակետում նշված անձանց հաճախելիության վերաբերյալ,
2) կանխարգելիչ հակահամաճարակային միջոցառումների իրականացման վերաբերյալ,
3) Հայաստանի Հանրապետության քննչական կոմիտեի մարմինների և ստորաբաժանումների ծառայողների առողջական վիճակի վատթարացման վերաբերյալ,
4) Հայաստանի Հանրապետության քննչական կոմիտեի ծառայողների մոտ կորոնավիրուսային հիվանդության (COVID-19) հայտնաբերման դեպքերի վերաբերյալ՝ պարզելով դրանց ծագման աղբյուրը և շփման շրջանակը:

3. Օպերատիվ շտաբին՝ ամենօրյա ռեժիմով  կապ հաստատել Հայաստանի Հանրապետությունում արտակարգ դրության իրավական ռեժիմն ապահովող ուժերի և միջոցների միասնական ղեկավարումն իրականացնող պարետատան հետ:

4. Սույն հրամանն ուղարկել Հայաստանի Հանրապետության քննչական կոմիտեի նախագահի տեղակալներին, մարմինների, ստորաբաժանումների պետերին,  օպերատիվ շտաբի անդամներին:

                                                                                                  Հ. Գրիգորյան