ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՔՆՆՉԱԿԱՆ ԿՈՄԻՏԵԻ ՆԱԽԱԳԱՀԻ



Հրամանը՝

ք.Երևան, 21.02.2019թ., թիվ 25-Լ

 

Ղեկավարվելով «Հայաստանի Հանրապետության քննչական կոմիտեի մասին» Հայաստանի Հանրապետության օրենքի 12-րդ հոդվածի 2-րդ մասի 3-րդ կետով՝

 

Հրամայում եմ՝


1. Հայաստանի Հանրապետության քննչական կոմիտեի նախագահի 2014 թվականի դեկտեմբերի 27-ի «Հայաստանի Հանրապետության քննչական կոմիտեի որակավորման հանձնաժողովի գործունեության կարգը սահմանելու մասին» թիվ 18-Լ հրամանով հաստատված հավելվածում կատարել հետևյալ լրացումը և փոփոխությունը.

1) 57-րդ կետում «նախագահը:» բառից հետո լրացնել «Ծրագիր-հարցաշարը բաղկացած է հարյուր հիսուն հարցից, որոնք ընդգրկում են հետևյալ բնագավառները՝

     1)  Հայաստանի Հանրապետության քրեական իրավունք՝ հիսուն հարց,

2) Հայաստանի Հանրապետության քրեադատավարական իրավունք՝ հիսուն հարց,

3)  կրիմինալիստիկա՝ հիսուն հարց:».

2)61-րդ կետի 3-րդ ենթակետում «Հայաստանի Հանրապետության սահմանադրությունից, Մարդու իրավունքների եվրոպական կոնվենցիայի 2-րդ, 3-րդ, 5-րդ, 6-րդ հոդվածների և դրանց վերաբերյալ Մարդու իրավունքների եվրոպական դատարանի նախադեպային իրավունքից, քննչական տակտիկայից և մեթոդիկայից կամ «Քննչական կոմիտեի մասին» Հայաստանի Հանրապետության օրենքից» բառերը փոխարինել «կրիմինալիստիկայից» բառով:

Սույն հրամանն ուղարկել Հայաստանի Հանրապետության քննչական կոմիտեի նախագահի տեղակալներին, Հայաստանի Հանրապետության քննչական կոմիտեի մարմինների և ստորաբաժանումների պետերին, Հայաստանի Հանրապետության քննչական կոմիտեի դեպարտամենտի ղեկավարինև Հայաստանի Հանրապետության քննչական կոմիտեի դեպարտամենտի անձնակազմի կառավարման վարչության պետին:

Հ. Գրիգորյան