ՀՀ քննչական կոմիտեի նախագահի տեղակալը և ԱՄՆ հետաքննությունների դաշնային բյուրոյի՝ Հայաստանում և Վրաստանում իրավական կցորդը ՔԿ քննիչների համար վերապատրաստման համատեղ դասընթաց են անցկացրել(լուսանկարներ)
ՀՀ քննչական կոմիտեի և ԱՄՆ արդարադատության դեպարտամենտի դաշնային բյուրոյի միջև ծավալված սերտ համագործակցությունը շարունակվում է։
Դրա շրջանակում մայիսի 15-ին ՀՀ արդարադատության ակադեմիայում ՀՀ քննչական կոմիտեի քննիչների համար կազմակերպվել է համատեղ դասընթաց-վերապատրաստում՝ ԱՄՆ Հետաքննությունների դաշնային բյուրոյի (FBI) գործունեության, ՀՀ-ում քրեական վարույթներով ԱՄՆ–ի հետ փոխադարձ իրավական հարցումների առանձնահատկությունների, դրանց հետ կապված պրակտիկ աշխատանքների և խնդիրների քննարկման, փորձի փոխանակման թեմատիկայով։
Դասընթաց-վերապատրաստումն ուղղված էր քննչական հարցումների, իրավական փոխօգնության ընթացակարգերի արդյունավետության բարձրացմանը, որը կօգնի հանցագործությունների հնարավորինս արագ բացահայտմանը, քննությանը հետաքրքրող հարցերի կապակցությամբ տվյալների փոխանակման օպերատիվության բարձրացմանը, նախաքննությունից թաքնվող հանցագործների հայտնաբերմանը։
Դասընթացը վարել են ՀՀ քննչական կոմիտեի նախագահի տեղակալ Արսեն Այվազյանը և ԱՄՆ արդարադատության դեպարտամենտի հետաքննությունների դաշնային բյուրոյի՝ Հայաստանում և Վրաստանում իրավական կցորդ տիկին Հեդեր Բերգը։
Իրենց բացման խոսքում պարոն Արսեն Այվազյանն ու տիկին Հեդեր Բերգը կարևորել են նման ծրագրի իրականացումը ՀՀ և ԱՄՆ իրավապահ մարմինների միջև գործակցության խորացման, անդրազգային հանցագործությունների դեմ պայքարի արդյունավետության բարձրացման, փորձի և տեղեկատվության փոխանակման տեսանկյունից։
Վերապատրաստման դասընթացում ընդգրկվել են ՀՀ քննչական կոմիտեի մի շարք ստորաբաժանումների ղեկավարներ, տեղակալներ, քննիչներ։
Վերջիններիս փոխանցվել է անհրաժեշտ տեղեկատվություն ՀԴԲ-ի կառուցվածքի, գործունեության սկզբունքների, վերջինիս կողմից քննվող հանցատեսակների, ՀԴԲ աշխատակիցների կողմից հանցագործների բացահայտման և հայտնաբերման ուղղությամբ անհրաժեշտ գործողությունների առանձնահատկությունների, այդ նպատակով իրականացվող հաղորդակցության և համագործակցության ձևաչափերի մասին։
Քննարկվել են նաև քննչական հարցումների ներպետական և միջազգային իրավական կարգավորումներին, հարցումների մերժման հիմքերին, փոխադարձ իրավական օգնություն ցույց տալու մասին հարցումների կատարման որակի բարձրացման կառուցակարգերին, ինչպես նաև ՀՀ ՔԿ-ի և ԱՄՆ ՀԴԲ-ի միջև համագործակցության ուղղություններին, եղանակներին առնչվող հարցեր։
-
21.10.22, 11:03Քննչական կոմիտեի պատվիրակությունը մասնակցել է Ամերիկայի Միացյալ Նահանգների Դալլաս քաղաքում անցկացված համաժողովինՀՀ ՔԿ նախագահի տեղակալ Արսեն Այվազյանը մասնակցել է ԱՄՆ-ում կայացած Ոստիկանապետերի միջազգային ասոցիացիայի (IACP) տարեկան համաժողովին և ցուցահանդեսին: -
29.09.22, 12:08Քննչական կոմիտեի ներկայացուցիչը մասնակցել է «Հանցավոր նպատակներով տեղեկատվական-հեռահաղորդակցության տեխնոլոգիաների օգտագործման հակազդման վերաբերյալ» համապարփակ միջազգային կոնվենցիայի մշակման հարցերով Բաց կազմով ad hoc միջկառավարական կոմիտեի նստաշրջանինՀՀ քննչական կոմիտեի ներկայացուցիչն իր ելույթներում ընդգծել է տարբեր միջազգային պայմանագրերի և համաձայնագրերի շրջանակներում միջազգային համագործակցության կարևորությունը:
-
03.09.21, 07:04«Մեդիագրագիտության, կիբեռանվտանգության, կիբեռհանցավորության նոր միտումներն ու արդի մարտահրավերները» թեմայով դասընթաց Քննչական կոմիտեում (լուսանկարներ)2021թ. սեպտեմբերի 2-ին Քննչական կոմիտեում անցկացվեց չորրորդ դասընթացը՝ «Մեդիագրագիտության, կիբեռանվտանգության, կիբեռհանցավորության նոր միտումներն ու արդի մարտահրավերները» թեմայով: -
06.08.21, 11:42Դասընթաց՝ ՀՀ քննչական կոմիտեում (լուսանկարներ)Քննչական կոմիտեում անցկացվեց դասընթաց՝ «Էլեկտրոնային վճարային համակարգեր, կրիպտոարժույթներ և ցանցային էկոլոգիայի հետ կապված հիմնախնդիրները» թեմայով: -
05.04.19, 14:01«Կենսաբանական ծագում ունեցող և ԴՆԹ պարունակող իրեղեն ապացույցների հայտնաբերում, փաթեթավորում, պահպանում» թեմայով դասախոսություն՝ Քննչական կոմիտեում (լուսանկարներ)Փորձագետը քննիչներին մանրամասն ներկայացրել է դատագենետիկական փորձաքննությունների նշանակման կարգը և առանձնահատկությունները: -
02.11.18, 06:55ՀՀ քննչական կոմիտեի պատվիրակությունը մասնակցել է «Իրավապահ մարմինների միջազգային ակադեմիա»-ում կազմակերպված վերապատրաստմանըՎերապատրաստում` «Մարդկանց թրաֆիքինգի դեմ պայքարը» թեմայով: -
27.07.18, 14:55Քննչական կոմիտեն քայլեր է ձեռնարկում ընտրական հանցագործությունների քննության արդյունավետությունը բարձրացնելու ուղղությամբՀՀ քննչական կոմիտեն նախաձեռնել է ընտրական հանցագործությունների գործերով քննությամբ զբաղվող քննիչների մասնագիտացման դասընթացներ։
