Հիվանդանոց տեղափոխվելու ճանապարհին մահացել է պայմանագրային զինծառայող. կատարվում է քննություն
![Հիվանդանոց տեղափոխվելու ճանապարհին մահացել է պայմանագրային զինծառայող. կատարվում է քննություն Հիվանդանոց տեղափոխվելու ճանապարհին մահացել է պայմանագրային զինծառայող. կատարվում է քննություն](https://investigative.am/storage/files/2016/10/1477903027,6409.jpeg?token=5f73ec468349dd2a149c8c6b93ee8656b5237fc7)
ՀՀ քննչական կոմիտեի ԶՔԳՎ վեցերորդ կայազորային քննչական բաժնում քննություն է տարվում՝ պարզելու պայմանագրային զինծառայողի մահվան հանգամանքները։
Նախնական տվյալներով՝ 30.10.2016թ.՝ ժամը 20:00-ի սահմաններում, ՀՀ ՊՆ N զորամասի պահպանության շրջանում տեղակայված մարտական դիրքում կտրուկ վատացել է մարտական հերթապահության նշանակված պայմանագրային զինծառայող, 1987թ. ծնված Դերենիկ Արտակի Խալխալյանի ինքնազգացողությունը:
Նոյեմբերյանի ԲԿ տեղափոխվելու ճանապարհին Դ.Խալխալյանը մահացել է: Բժշկական նախնական հետազոտության համաձայն՝ զինծառայողի մոտ արձանագրվել է սրտի կանգ:
ՀՀ ՔԿ ԶՔԳՎ վեցերորդ կայազորային քննչական բաժնում քննություն է տարվում՝ պարզելու Դ.Խալխալյանի մահվան հանգամանքները: Նշանակվել է դատաբժշկական փորձաքննություն։