Հրդեհ Վանաձորում. հարուցվել է քրեական գործ
ՀՀ քննչական կոմիտեի Լոռու մարզային քննչական վարչությունում հարուցվել է քրեական գործ՝ Վանաձորում բնակարանների հրդեհվելու դեպքի առթիվ:
Նախնական քննության տվյալներով՝ 2016թ. դեկտեմբերի 5-ին՝ ժամը 09:30-ի սահմաններում, կրակի հետ անզգույշ վերաբերվելու պատճառով այրվել և ոչնչացվել են Լոռու մարզի Վանաձոր քաղաքի «Ուկրիշին» թիվ 4-րդ տնակային ավանում գտնվող 4 բնակիչներին պատկանող բնակարանները և գույքը, որի հետևանքով վերջիններիս պատճառվել է առանձնապես խոշոր չափերի գույքային վնաս:
Դեպքի առթիվ ՀՀ ՔԿ Լոռու մարզային քննչական վարչությունում հարուցվել է քրեական գործ՝ ՀՀ քրեական օրենսգրքի 186-րդ հոդվածի 2-րդ մասի հատկանիշներով:
Ձեռնարկվում են անհրաժեշտ քննչական գործողություններ՝ դեպքի բազմակողմանի, օբյեկտիվ և լրիվ քննությունն ապահովելու, ինչպես նաև բոլոր հանգամանքները պարզելու ուղղությամբ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
-
09.08.22, 11:26Բազմաբնակարան շենքում բռնկված հրդեհի դեպքի առիթով նախաձեռնվել է քրեական վարույթՁեռնարկվում են անհրաժեշտ միջոցառումներ՝ Հայրիկ Մուրադյան 42/2 հասցեում գտնվող բազմաբնակարան շենքում բռնկված հրդեհի պատճառները պարզելու ուղղությամբ: -
18.04.22, 12:23Պարզվում են հրդեհի բռնկման հանգամանքները (տեսանյութ)Ձեռնարկվում են անհրաժեշտ միջոցառումներ՝ հրդեհի բռնկման պատճառը, հանգամանքները պարզելու ուղղությամբ:
-
11.12.20, 15:23Պարզվում են Շահամիր Շահամիրյան փողոցի շենքերից մեկում բռնկված հրդեհի հանգամանքներըՊարզվել է, որ բժշկական կենտրոն տեղափոխված 71-ամյա կինը ծխից թունավորումն ստացել է Շահամիր Շահամիրյան փողոցի 1-ին շենքի 6-րդ հարկում բռնկված հրդեհի հետևանքով: -
12.08.17, 12:54Հարուցվել է քրեական գործ՝ Վայոց ձորի տարածքում բռնկված հրդեհի առթիվ. Նախնական տվյալներ են ձեռք բերվել հրդեհի աղբյուրի վերաբերյալԳյուղացիներից մեկի հայտնած տվյալների համաձայն՝ հրդեհը բռնկվել է խոտածածկ տարածքում ավտոմեքենայի խլացուցիչից դուրս թռած կայծի հետևանքով։