Իրացվել են Արմեն Ջիգարխանյանին նվիրված երեկոյի կեղծ տոմսեր. տուժած քաղաքացիներին խնդրում ենք դիմել քննչական բաժին
ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնում քննվող քրեական գործով պարզվել է, որ մի խումբ անձինք իրացրել են Արմեն Ջիգարխանյանին նվիրված երեկոյի կեղծ տոմսեր։
Նախնական քննության տվյալներով՝ մի խումբ անձինք, չարաշահելով քաղաքացիների վստահությունը, իրացրել են Արմեն Ջիգարխանյանին նվիրված երեկոյի կեղծ տոմսեր, որը, իբր, պետք է տեղի ունենար Ա.Սպենդիարյանի անվան օպերայի և բալետի պետական ակադեմիական թատրոնում՝ հոկտեմբերի 9-ին։ Մինչդեռ թատրոնում նման երեկո ընդհանրապես նախատեսված չի եղել։
Քննությամբ բավարար ապացույցներ են ձեռք բերվել, որ քաղաքացիներին իրացվել են չնախատեսված միջոցառման տոմսեր։
Ձեռնարկվում են անհրաժեշտ քննչական գործողություններ՝ առերևույթ հանցագործություն կատարած անձի (անձանց) ինքնությունը պարզելու ուղղությամբ։
Վարույթն իրականացնող մարմինը դիմում է մեր համաքաղաքացիներին՝ եթե կան անձինք, ովքեր տուժել են նշված գործողությունների հետևանքով և գնել են Արմեն Ջիգարխանյանին նվիրված երեկոյի կեղծ տոմսեր, խնդրում ենք դիմել ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժին (հասցե` ՀՀ, քաղաք Երևան,Կոմիտասի 51ա) կամ զանգահարել 077 90 99 90 հեռախոսահամարով:
-
10.04.19, 07:23Մեղադրանք է առաջադրվել՝ էլեկտրոնային կեղծ ավիատոմսեր պատրաստելու և իրացնելու համարՊարզվել է, որ էլեկտրոնային կեղծ ավիատոմսերը պատրաստել է իր մոտ եղած ավիատոմսի օրինակով և համակարգչի օգնությամբ: -
31.07.18, 11:06Իրացվել են Վանուշ Խանամիրյանին նվիրված հուշ երեկոյի կեղծ տոմսեր. առաջադրվել են մեղադրանքներԱպացույցներ են ձեռք բերվել, որ խարդախությունն իրականացվել է ԱՆ «Նուբարաշեն» ՔԿՀ-ում գտնվող կալանավորների կողմից։ -
18.10.16, 11:14Իրացվել են Վանուշ Խանամիրյանի հիշատակին նվիրված հուշ երեկոյի կեղծ տոմսեր. տուժած քաղաքացիներին խնդրում ենք դիմել քննչական բաժինՔրեական գործով պարզվել է, որ մի խումբ անձինք իրացրել են Վանուշ Խանամիրյանի հիշատակին նվիրված երեկոյի կեղծ տոմսեր։