www.forrights.am կայքը քիչ առաջ «Պաշտպանության նախարարության տվյալներով՝ զինվոր է «ինքնասպան» եղել» վերտառությամբ նյութ է հրապարակել` նյութում ընդգծելով, որ  ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժնի պետ «Նաիրա Հարությունյանը  չի հաստատում ինքնասպանության վարկածը և մանրամասնեց, որ դեպքի վայրում աշխատում է քննչական խումբ»:

Վերոգրյալի վերաբերյալ հայտնում ենք, որ լրատվամիջոցի լրագրողին  ընդամենը հայտնվել է, որ դեպքի վայրում աշխատում է քննչական խումբ և կտրվի լրացուցիչ տեղեկատվություն:

Լրագրողի պնդմանը, թե արդյոք հաստատում ենք զինծառայողի ինքնասպանության վարկածը, կրկին  հայտնվել է, որ դեպքի վայրում աշխատում է քննչական խումբ, և կտրվի լրացուցիչ տեղեկատվություն:

Քննչական կոմիտեի այս պարզաբանումը ներկայացնել որպես զինծառայողի ինքնասպանության վարկածի հերքում՝ ընթերցողին մոլորեցնելու փորձ է:

Լրատվամիջոցի գործընկերներին հորդորում ենք զերծ մնալ նման գործելաոճից: