Պարզվում են ջրատարում հայտնաբերված տղամարդու մահվան հանգամանքները. հարուցվել է քրեական գործ
ՀՀ քննչական կոմիտեի ԵՔՔՎ Մալաթիա-Սեբաստիա վարչական շրջանի քննչական բաժնում հարուցվել է քրեական գործ՝ 74-ամյա տղամարդու մահվան դեպքի առթիվ:
2017 թվականի ապրիլի 28-ին՝ ժամը 18:27-ին, հաղորդում է ստացվել առ այն, որ Երևան քաղաքի Մեծարենցի փողոցով անցնող ջրատարում տղամարդու դի կա:
Անմիջապես դեպքի վայր է մեկնել քննչական-օպերատիվ խումբը: Կատարվել է դեպքի վայրի, ինչպես նաև՝ դիակի արտաքին զննություն. դիակի ձախ և աջ նախաբազուկների դաստակային հոդերի շրջաններում հայտնաբերվել են օղակաձև, ներհրված եզրերով կարմրավուն ճյուղավորվող տեղամասեր, իսկ գոտու աջ և ձախ հատվածներում՝ ամրակապված մետաղական լարեր:
Պարզվել է մահացած տղամարդու ինքնությունը, ով հանդիսանում է Երևան քաղաքի բնակիչ՝ ծնված 03.06.1942 թվականին:
Նկատի ունենալով, որ նախապատրաստված նյութերում առերևույթ առկա են ՀՀ քրեական օրենսգրքի 104-րդ հոդվածի 1-ին մասով նախատեսված հանցագործության հատկանիշներ` ՀՀ քննչական կոմիտեի Երևան քաղաքի քննչական վարչության Մալաթիա-Սեբաստիա վարչական շրջանի քննչական բաժնում հարուցվել է քրեական գործ:
Ձեռնարկվում են անհրաժեշտ քննչական գործողություններ` տղամարդու մահվան հանգամանքները պարզելու ուղղությամբ, քրեական գործով էական նշանակություն ունեցող հանգամանքները պարզելու համար նշանակվել են փորձաքննություններ:
-
07.07.21, 10:53Փրկելով ընկերներին՝ 16-ամյա տղան խեղդվել է (լուսանկարներ)Ձեռնարկվում են անհրաժեշտ միջոցներ` դեպքի հանգամանքները պարզելու ուղղությամբ։ -
15.03.21, 10:51Ավտոմեքենան դուրս է եկել ճանապարհի երթևեկելի գոտուց և ընկել ջրատարը. հարուցվել է քրեական գործԿատարվում են քննչական և դատավարական այլ գործողություններ՝ դեպքի բոլոր հանգամանքները պարզելու ուղղությամբ: -
18.01.21, 11:38Անհետ կորած տարեց կնոջ դին հայտնաբերվել է Արզնի-Շամիրամ ջրատարումՆյութերի նախապատրաստման ընթացքում ձեռնարկված միջոցառումների արդյունքում տարեց կինը չի հայտնաբերվել, վերջինիս նկատմամբ հայտարարվել է հետախուզում և հարուցվել քրեական գործ՝ սպանության հատկանիշներով: -
23.02.18, 15:00Քննություն է տարվում՝ պարզելու 26-ամյա երիտասարդի մահվան հանգամանքներըԴիահերձման արդյունքներով՝ 26-ամյա երիտասարդի մահվան պատճառ են հանդիսացել կյանքի հետ անհամատեղելի կոտրվածքները: -
08.09.17, 10:51Հարուցվել է քրեական գործ՝ երիտասարդ կնոջ մահվան դեպքի առթիվԱմուսնու հայտարարության համաձայն՝ կինը 2017 թվականի օգոստոսի 29-ին դուրս է եկել՝ հայրական տուն գնալու համար և այլևս չի վերադարձել: -
24.03.17, 12:56Դեբեդ գետում հայտնաբերվել է տղամարդու դիԼոռու մարզային քննչական վարչությունում միջոցներ են ձեռնարկվում՝ Ալավերդիում տղամարդու մահվան պատճառները պարզելու ուղղությամբ: -
06.06.16, 05:35Ջրամբարում հայտնաբերվել է 22-ամյա երիտասարդի դիՍիսիանի ՀՓՋ-ից հաղորդում է ստացվել, որ Սյունիքի մարզի «Սպանդարյան» ջրամբարում մարդ է խեղդվել: