Պայթյունի եղանակով վնասվել է շենքի շքամուտքը. հարուցվել է քրեական գործ
![Պայթյունի եղանակով վնասվել է շենքի շքամուտքը. հարուցվել է քրեական գործ Պայթյունի եղանակով վնասվել է շենքի շքամուտքը. հարուցվել է քրեական գործ](https://investigative.am/storage/files/2017/03/1489471579,3874.jpeg?token=53b246f1dec5601e199f15d4da481bbea5500f50)
ՀՀ քննչական կոմիտեի Լոռու մարզային քննչական վարչությունում հարուցվել է քրեական գործ`բնակելի շենքի շքամուտքում տեղի ունեցած պայթյունի դեպքի առթիվ:
Նախնական տվյալներով` 2017 թվականի մարտի 13-ին` ժամը 18-ի սահմաններում, առերեւույթ հանցագործություն կատարած անձը պայթյունի և հանրավտանգ եղանակով վնասել է Վանաձոր քաղաքի Տ.Մեծի 77 շենքի շքամուտքը և դրան հարակից «Կոկետ» գեղեցկության սրահի ապակիները ու մուտքի դռները:
Դեպքի առթիվ 2017 թվականի մարտի 13-ին ՀՀ քննչական կոմիտեի Լոռու մարզային քննչական վարչությունում հարուցվել է քրեական գործ` ՀՀ քրեական օրենսգրքի 185-րդ հոդվածի 2-րդ մասի 1-ին կետով:
Կատարվել է դեպքի վայրի զննություն, նշանակվել են մի շարք փորձաքննություններ: Իրականացվում են անհրաժեշտ քննչական եւ դատավարական այլ գործողություններ` առերեւույթ հանցագործություն կատարած անձի ինքնությունը պարզելու ուղղությամբ:
Քննության արդյունքների մասին կտեղեկացնենք լրացուցիչ: