ՔԿ նախագահի հրամանով ավագ քննիչը պարգևատրվել է հուշանվերով՝ ծառայողական պարտականություններն ու առաջադրանքները պատշաճ կատարելու համար
![ՔԿ նախագահի հրամանով ավագ քննիչը պարգևատրվել է հուշանվերով՝ ծառայողական պարտականություններն ու առաջադրանքները պատշաճ կատարելու համար ՔԿ նախագահի հրամանով ավագ քննիչը պարգևատրվել է հուշանվերով՝ ծառայողական պարտականություններն ու առաջադրանքները պատշաճ կատարելու համար](https://investigative.am/storage/files/2019/01/1548429901,5694.jpeg?token=71be366ee9c2e046d8d5155ce1d97d972517ecbc)
ՀՀ քննչական կոմիտեի Լոռու մարզային քննչական վարչության Ստեփանավանի քննչական բաժնում քննվող քրեական գործով ձեռնարկված քննչական գործողությունների, մշակված քննչական տակտիկայի ու ժամանակին իրականացված մի շարք դատավարական գործողությունների արդյունքում բացահայտվել է Լոռու մարզպետարանի աշխատակազմի Ստեփանավանի սոցիալական աջակցության տարածքային գործակալության աշխատակիցների կողմից խարդախությամբ առանձնապես խոշոր չափերով գումարներ հափշտակելու դեպքի կոռուպցիոն մեխանիզմը, մեղադրանք է առաջադրվել «Հայփոստ» Փակ բաժնետիրական ընկերության մի շարք փոստային բաժանմունքների և սոցիալական ծառայության աշխատակիցների։
Նախաքննությամբ պետությանը պատճառված վնասից վերականգնվել է 107.300.000 ՀՀ դրամ։
Իսկ բացահայտման ուղղությամբ կատարած աշխատանքների ընթացքում դրսևորած մասնագիտական բարձր պատրաստվածության համար Լոռու մարզային քննչական վարչության Ստեփանավանի քննչական բաժնի ավագ քննիչ Էդուարդ Պողոսյանը պարգևատրվել է հուշանվերով՝ ծառայողական պարտականություններն ու առաջադրանքները պատշաճ կատարելու համար: