ՔԿ նախագահն ընդունել է քաղաքացուն և լսել նրա մտահոգությունները (լուսանկարներ)
![ՔԿ նախագահն ընդունել է քաղաքացուն և լսել նրա մտահոգությունները (լուսանկարներ) ՔԿ նախագահն ընդունել է քաղաքացուն և լսել նրա մտահոգությունները (լուսանկարներ)](https://investigative.am/storage/files/2019/05/1557213837,279.jpeg?token=3881fc025242909e01944485f7b5fef83182d438)
Հայաստանի Հանրապետության քննչական կոմիտեի նախագահ Հայկ Գրիգորյանն այսօր ընդունել է հարազատների հետ գույքային վեճ ունեցող քաղաքացուն:
Կոմիտեի նախագահը ներկայացրել է քաղաքացու դիմումի հիման վրա հարուցված քրեական գործի նախաքննության ընթացքը: Հայկ Գրիգորյանը վստահեցրել է, որ յուրաքանչյուր դեպքով ձեռնարկվում են անհրաժեշտ քննչական և դատավարական այլ գործողություններ՝ հանցագործությունից տուժած քաղաքացիների իրավունքները վերականգնելու համար:
Հանդիպման ընթացքում Քննչական կոմիտեի նախագահը լսել է քաղաքացու մտահոգությունները քրեական գործով քննության ընթացքի վերաբերյալ և հավաստիացրել, որ ձեռնարկվում են անհրաժեշտ գործողություններ՝ քրեական գործի բազմակողմանի, լրիվ և օբյեկտիվ քննությունն ապահովելու համար: