Քննչական կոմիտեի նախագահն ընդունել է ԱՄՆ պետքարտուղարության ԹՊԻՀ բյուրոյի վաշինգտոնյան գրասենյակի Եվրոպայի, Եվրասիայի, Կենտրոնական Ասիայի ծրագրերի ղեկավար Ջուդիթ Քեմբելին (Լուսանկարներ)
ՀՀ Քննչական կոմիտեի նախագահ Հայկ Գրիգորյանն այսօր ընդունել է ԱՄՆ պետքարտուղարության թմրամիջոցների դեմ պայքարի և իրավապահ համագործակցության բյուրոյի վաշինգտոնյան գրասենյակի Եվրոպայի, Եվրասիայի, Կենտրոնական Ասիայի ծրագրերի ղեկավար Ջուդիթ Քեմբելի գլխավորած պատվիրակությանը:
Ողջունելով հյուրերին՝ ՔԿ նախագահը շնորհակալություն հայտնեց հյուրերին՝ Քննչական կոմիտեում հյուրընկալվելու, ինչպես նաև՝ թմրամիջոցների դեմ պայքարի և իրավապահ համագործակցության բյուրոյի կողմից իրականացվող ծրագրերի շրջանակներում ՀՀ քննչական կոմիտեին ցուցաբերած օժանդակության համար:
ՔԿ նախագահ Հայկ Գրիգորյանը հատուկ շեշտեց, որ Ամերիկայի միացյալ նահանգների պետքարտուղարության օժանդակությունը նպաստում է Կոմիտեի աշխատանքի արդյունավետության բարձրացմանը, կազմակերպաիրավական ընթացակարգերի որակական առավել բարձր հարթություն տեղափոխելուն, ինչպես նաև՝ աշխատակիցների կարողությունների հզորացմանը:
Քննչական կոմիտեի նախագահ Հայկ Գրիգորյանը հյուրերին ներկայացրեց վերջին տարիներին ԱՄՆ դեսպանատան աջակցությամբ իրականացված ծրագրերը, ինչպես նաև անդրադարձավ նախաքննության արդյունավետությունը բարձրացնելու նպատակով իր կողմից մշակված մի շարք ծրագրերի:
«Նկատի ունենալով առկա համագործակցությունը և մեծապես կարևորելով ԱՄՆ պետքարտուղարության կողմից ցուցաբերվող աջակցության ծրագրերը, որոնք ուղղված են Հայաստանի իրավապահ կառույցների ու պաշտոնյաների կարողությունների հզորացմանը, առավել արդարացի և թափանցիկ քրեական արդարադատության համակարգի կայացմանը, ես լիահույս եմ, որ մեր համատեղ փոխգործակցությունը կկրի շարունակական բնույթ»,- ընդգծեց ՔԿ նախագահը:
ԱՄՆ պետքարտուղարության թմրամիջոցների դեմ պայքարի և իրավապահ համագործակցության բյուրոյի վաշինգտոնյան գրասենյակի Եվրոպայի, Եվրասիայի, Կենտրոնական Ասիայի ծրագրերի ղեկավար Ջուդիթ Քեմբելն իր հեթին շնորհակալություն հայտնեց ՔԿ ղեկավարությանը՝ ջերմ ընդունելության, ինչպես նաև՝ կատարված աշխատանքները հանգամանալից ներկայացնելու համար:
Ջուդիթ Քեմբելը շեշտեց, որ պատրաստակամ են աջակցել Քննչական կոմիտեի կողմից ներկայացվող ծրագրերին:
ԱՄՆ պետքարտուղարության թմրամիջոցների դեմ պայքարի և իրավապահ համագործակցության բյուրոյի վաշինգտոնյան գրասենյակի Եվրոպայի, Եվրասիայի, Կենտրոնական Ասիայի ծրագրերի ղեկավար Ջուդիթ Քեմբելի խնդրանքով ՔԿ նախագահը ներկայացրեց վիճակագրական տվյալներ՝ կոռուպցիոն բնույթի և ընտանեկան բռնությունների դեպքերի առթիվ հարուցված քրեական գործերի վերաբերյալ:
-
21.03.24, 14:56Գերմանիայի դաշնային քրեական ծառայության կցորդ, Հարավային Կովկասում քրեական գործերով գլխավոր հանձնակատարն այցելել է ՀՀ քննչական կոմիտե (լուսանկարներ)Արսեն Այվազյանը հույս է հայտնել, որ Միրկո Հյուբենբեկերի՝ ՀՀ քնչական կոմիտե կատարած առաջին այցը համագործակցության հիմքեր կստեղծի: -
05.03.24, 17:56Հայաստան է ժամանել Վրաստանի հատուկ քննչական ծառայության ղեկավարը․ ստորագրվել է համագործակցության հուշագիր (լուսանկարներ)Ի նշան բարեկամության և երկկողմ հարաբերությունների սերտացման՝ Վրաստանի հատուկ քննչական ծառայության ղեկավարը ՀՀ քննչական կոմիտեի բակում եղևնի է տնկել։ -
20.02.24, 17:27ՀՀ քննչական կոմիտե է այցելել ԱՄՆ արդարադատության դեպարտամենտի հետաքննությունների դաշնային բյուրոյի՝ Հայաստանում և Վրաստանում իրավական կցորդ տիկին Հեդեր ԲերգըԱմփոփվել և գնահատվել են համատեղ կատարված աշխատանքները, քննարկվել են ՀՀ քննչական կոմիտեի ներկայիս կարիքները և համագործակցության նոր ուղղությունները։ -
12.02.24, 16:38Հայաստանում Մեծ Բրիտանիայի և Հյուսիսային Իռլանդիայի Միացյալ Թագավորության դեսպանատան ներկայացուցիչներն այցելել են ՀՀ քննչական կոմիտե (լուսանկարներ)ՀՀ քննչական կոմիտեն պատրաստ է ինչպես դեսպանության, այնպես էլ՝ Միացյալ Թագավորության իրավապահ մարմինների հետ սերտ գործակցությանը: -
28.11.23, 18:24ՀՀ քննչական կոմիտեում քննարկվել են Հայաստանում փողերի լվացման հանցատեսակի դեմ պայքարի ոլորտում ԱՄՆ հետ համագործակցության հարցերը (լուսանկարներ)Արսեն Այվազյանը նշել է, որ ՀՀ քննչական կոմիտեի և Հայաստանում ԱՄՆ դեսպանատան միջև բարձր մակարդակով համագործակցությունն արդյունավետորեն շարունակվում է։ -
28.09.23, 16:34ՀՀ քննչական կոմիտեի նախագահի տեղակալը Չինաստանում Հանրային անվտանգության համագործակցության համաշխարհային ֆորումի շրջանակներում հանդիպումներ է ունեցել ՉԺՀ հասարակական անվտանգության նախարարի և նրա տեղակալի հետ (լուսանկարներ)ՀՀ քննչական կոմիտեի նախագահի տեղակալը հանդիպում է ունեցել նաև ՉԺՀ հասարակական անվտանգության նախարարի 1-ին տեղակալի հետ։ -
16.02.22, 13:51Հանդիպում Քննչական կոմիտեում (լուսանկարներ)ՀՀ քննչական կոմիտեի նախագահի տեղակալ Արսեն Այվազյանն այսօր հյուրընկալել է ԱՄՆ միջազգային զարգացման գործակալության թրաֆիքինգի դեմ պայքարի 2020-2022թթ. ծրագրի ղեկավար Լիլիան Մագետոյին: -
25.06.21, 09:00Հանդիպում Քննչական կոմիտեում (լուսանկարներ)Հայկ Գրիգորյանը հյուրընկալել է ԱՄՆ դեսպանատան մարդու իրավունքների և քաղաքացիական հարցերով պատասխանատու Քրիստինա Հանսելին և ԹՊԻՀ բաժնի իրավական հարցերով խորհրդական Ադի Հոլովեյին: