Քննիչների թեկնածուների՝ Արդարադատության ակադեմիան ավարտած շրջանավարտները նշանակվեցին աշխատանքի ՀՀ քննչական կոմիտեում (Լուսանկարներ)
Նոյեմբերի 3-ին ՀՀ քննչական կոմիտեում տեղի ունեցավ քննիչների թեկնածությունների ցուցակում ընդգրկված՝ Արդարադատության ակադեմիայի շրջանավարտների դիպլոմների հանձնման հանդիսավոր արարողությունը, որին մասնակցում էին ՀՀ ՔԿ նախագահ Աղվան Հովսեփյանը, ՀՀ արդարադատության ակադեմիայի ռեկտոր Սերգեյ Առաքելյանը, ՀՀ ՔԿ կոլեգիայի անդամներ։
Դիպլոմների հետ միասին քննիչների 22 թեկնածուներն ստացան նաև ՀՀ ՔԿ տարածքային ստորաբաժանումներում աշխատանքի նշանակվելու մասին ՀՀ ՔԿ նախագահի հրամանները և այսօրվանից կանցնեն իրենց պաշտոնավարմանը։
«Երկու տարի առաջ ներդրեցինք և այսօր արդեն ունենք ձևավորված ավանդույթ, որ քննիչների թեկնածուները դիպլոմների հետ միասին ստանում են նաև աշխատանքի նշանակման հրամանները։ Եվ հենց նշանակման այս ընթացակարգը, որ դուք ինքներդ ձեր գիտելիքներով եք հաղթահարում ձեր ճանապարհը, պետք է դառնա ձեր մասնագիտական անկաշկանդ աշխատանքի գրավականը»,- շնորհավորելով նորանշանակ քննիչներին՝ ասաց ՀՀ քննչական կոմիտեի նախագահ Աղվան Հովսեփյանը։
ՀՀ ՔԿ նախագահն ընդգծեց, որ քննչական աշխատանքը պետական ծառայության տեսակ է, որի ընթացքում քննիչի յուրաքանչյուր գործողություն հստակ կանոնակարգված է օրենսդրությամբ և ցանկացած շեղում, խախտում կարող է էական նշանակություն ունենալ քրեական գործի, ձեռք բերված ապացույցների թույլատրելիության համար։
Ա.Հովսեփյանը նշեց, որ ՀՀ քննչական կոմիտեի սահմանադրական գործառույթը նախաքննության, մինչդատական վարույթի իրականացումն ու կազմակերպումն է, որի առանցքում գործը քննող քննիչն է, իսկ մնացած բոլորի խնդիրը, այդ թվում՝ ղեկավար անձնակազմի՝ քննիչին օգնելն է նրա աշխատանքում։
«Պահանջը միայն մեկն է՝ քրեական գործով նախաքննություն իրականացնելիս գիտակցեք ձեր պատասխանատվությունը օբյեկտիվ քննությունն ապահովելու հարցում», - ասաց Ա.Հովսեփյանը։
ՀՀ Արդարադատության ակադեմիայում անցկացվող Հայաստանի Հանրապետության քննչական կոմիտեի ծառայողների թեկնածությունների ցուցակը համալրած ունկնդիրների մասնագիտական պատրաստմանն ուղղված աշխատանքներին ակտիվ և արդյունավետ մասնակցություն ունենալու համար մի շարք անձինք, ՀՀ քննչական կոմիտեի նախագահ Աղվան Հովսեփյանի հրամաններով, պարգեւատրվեցին։
Երևան քաղաքի Ավան և Նոր Նորք վարչական շրջանների ընդհանուր իրավասության դատարանի դատավոր, ակադեմիայի դասախոս Ս.Մարաբյանը, Երևանի պետական համալսարանի քրեական դատավարության և կրիմինալիստիկայի ամբիոնի պրոֆեսոր Վ.Ենգիբարյանը, ՀՀ քննչական կոմիտեի դեպարտամենտի իրավական ապահովման և վիճակագրական վարչության պետ, ակադեմիայի դասախոս Դ.Թումասյանը պարգևատրվեցին «Համագործակության համար» մեդալով:
ՀՀ քննչական կոմիտեի միջազգային հարցումների ապահովման բաժնի պետ Տ.Հովհաննիսյանը պարգևատրվեց «Անբասիր ծառայության համար» չորրորդ աստիճանի մեդալով:
ՀՀ արդարադատության նախարարության աշխատակազմի օրենսդրության զարգացման և իրավական հետազոտությունների կենտրոն հիմնադրամի հետ կապերի բաժնի պետ Գ.Հակոբյանը և ՀՀ արդարադատության ակադեմիայի դասախոս Տ.Պողոսյանը պարգևատրվեցին Շնորհակալագրով։
-
06.11.24, 16:27ՀՀ քննչական կոմիտեում բարեվարքության համակարգ է ներդրվելՀայաստանում իրականացվող դատաիրավական և հակակոռուպցիոն բարեփոխումների շրջանակներում ՀՀ քննչական կոմիտեի համակարգում ներդրվել է բարեվարքության ինստիտուտ։ -
11.10.24, 23:11Հանդիսավոր միջոցառում՝ ՀՀ քննչական կոմիտեի ձևավորման 10-ամյակի կապակցությամբ (լուսանկարներ)ՀՀ վարչապետը շնորհավորել է ՔԿ ծառայողներին, անդրադարձել Հայաստանի իրավապահ համակարգերում իրականացվող բարեփոխումների ընթացքին: -
12.09.24, 10:45Քննչական կոմիտեի պատվիրակությունը մասնակցել է ԱՄՆ Չիկագո քաղաքում անցկացված՝ քրեական արդարադատության ոլորտի կին ներկայացուցիչների՝ 2024թ. տարեկան ամենամեծ համաժողովին (լուսանկարներ)Հանդիպումներ և փորձի փոխանակմանը միտված քննարկումներ են տեղի ունեցել մի շարք այլ երկրների իրավապահ մարմինների ներկայացուցիչների հետ։ -
06.08.24, 14:46ՀՀ քննչական կոմիտեն փորձաքրեագիտական կենտրոն ունի, որն սկսել է գործել ՊՈԱԿ-ի կարգավիճակովՀՀ քննչական կոմիտեի կազմում, ՀՀ կառավարության կողմից հիմնադրման միջոցով, ձևավորվել է «Հայաստանի Հանրապետության քննչական կոմիտեի փորձաքրեագիտական կենտրոն» պետական ոչ առևտրային կազմակերպությունը և հաստատվել է վերջինիս կանոնադրությունը։ -
26.07.24, 15:17ՀՀ քննչական կոմիտեի 10–ամյակին նվիրված հոբելյանական միջոցառումները շարունակվում են․ քննչական կոմիտեի նախագահը և ողջ ղեկավար կազմը Գեղարքունիքի մարզում են (լուսանկարներ)ՀՀ քննչական կոմիտեն շարունակում է իր ձևավորման 10–ամյակի հոբելյանական, հանդիսավոր միջոցառումների շարքը։ -
10.04.24, 12:13ՀՀ քննչական կոմիտեում ԱՄՆ-ից ժամանած փորձագետների հետ քննարկվել են Հայաստանում փորձաբժշկական ԴՆԹ տվյալների բազայի զարգացման խնդիրներըՀՀ քննչական կոմիտեում այսօր հյուրընկալվել է ամերիկյան «GTH Consulting» խորհրդատվական ընկերության պատվիրակությունը։ -
22.04.23, 09:00«Եվրասիա» ավագ դպրոցի սաները հյուրընկալվել են ՀՀ քննչական կոմիտեում (լուսանկարներ)«Եվրասիա» ավագ դպրոցի սաները շրջել են ՀՀ ՔԿ կենտրոնական մարմնի վարչական շենքում, ծանոթացել են քննիչների բնականոն աշխատանքի համար ստեղծված պայմաններին ու հնարավորություններին։ -
10.11.22, 13:55ՀՀ քննչական կոմիտեի ներկայացուցիչները Բրյուսելում մասնակցել են ՀՀ-ԵՄ մարդու իրավունքների շուրջ երկխոսության և արդարադատության, ազատության և անվտանգության հարցերով Հայաստան-ԵՄ ենթակոմիտեի 12-րդ նիստերին (լուսանկարներ)ՀՀ ՔԿ ներկայացուցիչները մասնակցել են ՀՀ-ԵՄ Մարդու իրավունքների շուրջ երկխոսության և Արդարադատության, ազատության և անվտանգության հարցերով Հայաստան-ԵՄ ենթակոմիտեի 12-րդ նիստերին։