Քննություն է տարվում՝ 10/15 ընտրատեղամասում այլ անձի փոխարեն քվեարկելու վերաբերյալ ահազանգի հիման վրա
![Քննություն է տարվում՝ 10/15 ընտրատեղամասում այլ անձի փոխարեն քվեարկելու վերաբերյալ ահազանգի հիման վրա Քննություն է տարվում՝ 10/15 ընտրատեղամասում այլ անձի փոխարեն քվեարկելու վերաբերյալ ահազանգի հիման վրա](https://investigative.am/storage/files/2015/12/1449401278,043.jpeg?token=dd14872861dda5da9a9c57f55f06e00951e7a8a3)
Երևանի քննչական վարչության Կենտրոն և Նորք-Մարաշ վարչական շրջանների քննչական բաժնում նյութեր են նախապատրաստվում՝ 10/15 ընտրատեղամասում այլ անձի փոխարեն քվեարկելու վերաբերյալ ահազանգի կապակցությամբ։
«Թրանսփարենսի Ինթերնեշնլ հակակոռուպցիոն կենտրոն»ի կայքէջում «Քաղաքացի դիտորդ» նախաձեռնության կողմից հրապարակվել է ահազանգ առ այն, որ «Ընտրողն ահազանգել է, որ 10/15 տեղամասում ընտրացուցակում ստորագրելիս նկատել է, որ հանրապետությունից այս պահին բացակա իր եղբոր և նրա կնոջ անվան դիմաց ցուցակում ստորագրված է: Այդ մասին տեղեկացրել է հանձնաժողովին, բարձրաձայնել է, սակայն նրա խոսքերին ուշադրություն չեն դարձրել, խախտումը չեն արձանագրել»:
Հրապարակման մեջ մատնանշված հանգամանքներն ստուգելու ուղղությամբ կատարվում է քննություն։
Լուսանկարը՝ Ֆոտոլուրի