Լուրեր Զինվորական քննչական գլխավոր վարչությունից
27.01.17,
05:46
Քննություն է տարվում` պարզելու կուրսանտ Ս.Ափինյանի մահվան հանգամանքները. նրա ինքնազգացողությունը կտրուկ վատացել է շարահրապարակում
![Քննություն է տարվում` պարզելու կուրսանտ Ս.Ափինյանի մահվան հանգամանքները. նրա ինքնազգացողությունը կտրուկ վատացել է շարահրապարակում Քննություն է տարվում` պարզելու կուրսանտ Ս.Ափինյանի մահվան հանգամանքները. նրա ինքնազգացողությունը կտրուկ վատացել է շարահրապարակում](https://investigative.am/storage/files/2017/01/1485496121,7012.jpeg?token=df0179bec22f94160636eac63d902408aa04bea0)
ՀՀ քննչական կոմիտեի ԶՔԳՎ չորրորդ կայազորային քննչական բաժնում քննություն է տարվում՝ կուրսանտ Սարգիս Ափինյանի մահվան հանգամանքները պարզելու համար:
Նախնական տվյալներով` 26.01.2017 թվականին` ժամը 16:20-ի սահմաններում, ՀՀ ՊՆ N զորամասի պարտադիր ժամկետային զինծառայող, կուրսանտ Սարգիս Սամվելի Ափինյանի ինքնազգացողությունը զորամասի շարահրապարակում կտրուկ վատացել է: Ս.Ափինյանը տեղափոխվել է զորամասի բուժկետ, որտեղ ժամը 17:35-ի սահմաններում վերջինիս մոտ գրանցվել է կենսաբանական մահ:
Նշանակվել է դատաբժշկական փորձաքննություն: Քննության արդյունքների մասին կտեղեկացնենք լրացուցիչ: