Քննություն է տարվում` պարզելու պարտադիր ժամկետային զինծառայող Սարգիս Մանուկյանի մահվան հանգամանքները. զինծառայողը հայտնաբերվել է էլեկտրահարված
![Քննություն է տարվում` պարզելու պարտադիր ժամկետային զինծառայող Սարգիս Մանուկյանի մահվան հանգամանքները. զինծառայողը հայտնաբերվել է էլեկտրահարված Քննություն է տարվում` պարզելու պարտադիր ժամկետային զինծառայող Սարգիս Մանուկյանի մահվան հանգամանքները. զինծառայողը հայտնաբերվել է էլեկտրահարված](https://investigative.am/storage/files/2016/03/1459410855,8971.jpeg?token=9f976e96396d5cc3aeb89bd11b13d435d84e7692)
30.03.2016թ.` ժամը 18:30-ի սահմաններում, ՀՀ ՊՆ N զորամասի 4-րդ պահակակետի տարածքում գտնվող էլեկտրական կայանի ներսում հայտնաբերվել է պահակակետի վերակարգում գտնվող պարտադիր ժամկետային զինծառայող, շարքային Սարգիս Սմբատի Մանուկյանը անգիտակից վիճակում` էլեկտրահարված: Ս.Մանուկյանն Արարատի բժշկական կենտրոն տեղափոխվելու ճանապարհին մահացել է:
Դեպքի առթիվ ՀՀ քննչական կոմիտեի զինվորական քննչական գլխավոր վարչության ութերորդ կայազորային քննչական բաժնում հարուցվել է քրեական գործ՝ ՀՀ քրեական օրենսգրքի 376-րդ հոդվածի 2-րդ մասով (անփույթ վերաբերմունքը ծառայության նկատմամբ՝ եթե անզգուշությամբ առաջացրել է ծանր հետևանքներ)։
Ձեռնարկվում են անհրաժեշտ քննչական և դատավարական գործողություններ՝ դեպքի հանգամանքների բազմակողմանի, լրիվ և օբյեկտիվ հետազոտումն ապահովելու համար։