Ռուսաստանի և Բելառուսի քննչական կոմիտեների նախագահների գլխավորած պատվիրակությունների անդամներն այցելել են Ծիծեռնակաբերդի հուշահամալիր (Լուսանկարներ)
Ռուսաստանի Դաշնության և Բելառուսի Հանրապետության քննչական կոմիտեների նախագահների գլխավորած պատվիրակությունների անդամները՝ ՀՀ քննչական կոմիտեի նախագահ Աղվան Հովսեփյանի ուղեկցությամբ, այցելել են Ծիծեռնակաբերդի հուշահամալիր և ծաղիկներ դրել 1915 թվականի Հայոց Մեծ եղեռնի զոհերի հուշարձանին, խոնարհումով ու լռությամբ հարգել 1.5 միլիոն անմեղ զոհերի հիշատակը։
Հյուրերն այցելել են նաև Հայոց ցեղասպանության թանգարան-ինստիտուտ, ծանոթացել Հայոց Մեծ եղեռնը հավաստող վավերագրերին ու փաստաթղթերին, որտեղ Ռուսաստանի Դաշնության քննչական կոմիտեի նախագահ Ալեքսանդր Բաստրիկինը և Բելառուսի Հանրապետության քննչական կոմիտեի նախագահ Իվան Նոսկևիչը գրառում են կատարել պատվո հյուրերի հուշամատյանում։
Ռուսաստանի և Բելառուսի ՔԿ նախագահները եղևնի են տնկել Հիշողության պուրակում։
Պատվիրակությունները Հայաստան են ժամանել՝ մասնակցելու երեք երկրների քննչական կոմիտեների համատեղ երկրորդ նիստին, որի օրակարգում ընդգրկվել և քննարկվել են մինչդատական վարույթի ընթացքում միջազգային հարցումների կատարման, կիբերհանցագործությունների քննության առանձնահատկություններին վերաբերող հարցեր, ինչպես նաև՝ ծանոթացել էլեկտրոնային տեխնոլոգիաները նախաքննության գործընթացում ներդնելու՝ Հայաստանի քննչական կոմիտեի փորձին։
Նիստի շրջանակներում ստորագրվել են երկկողմ փոխըմբռնման հուշագրեր՝ Հայաստանի Հանրապետության քննչական կոմիտեի՝ Ռուսաստանի Դաշնության և Բելառուսի Հանրապետության քննչական կոմիտեների միջև։
Երեք երկրների քննչական կոմիտեների նախագահներին այսօր ընդունել է ՀՀ Նախագահ Սերժ Սարգսյանը և կարևորել իրավապահ մարմինների միջև սերտ և ամենօրյա համագործակցությունը՝ ընդգծելով, որ Հայաստանը խրախուսում է տարբեր ոլորտներում գործընկեր երկրների պետական կառույցների միջև մասնագիտական սերտ շփումներն ու փորձի փոխանակումը՝ նկատի առնելով, որ արագ փոփոխվող աշխարհում նոր տեխնոլոգիաներ և հնարավորություններ են ի հայտ գալիս, որոնք նպաստում են առավել արդյունավետ լուծումներ գտնելուն և աշխատանքի կատարելագործմանը: Նախագահ Սարգսյանը համատեղ նիստի ձևաչափը փոխգործակցության լավ հարթակ է համարել և հաջողություններ մաղթել կոլեգիայի աշխատանքներին:
-
31.01.22, 11:42Կոլեգիայի ընդլայնված նիստ՝ Քննչական կոմիտեում (լուսանկարներ)2022թ. հունվարի 31-ին Քննչական կոմիտեում տեղի է ունեցել կոլեգիայի ընդլայնված նիստ, որը վարել է ՀՀ քննչական կոմիտեի նախագահ Արգիշտի Քյարամյանը: -
24.07.19, 07:21ՀՀ ՔԿ նախագահ Հայկ Գրիգորյանն արժանացել է պարգևների (լուսանկարներ)Ռուսաստանի Դաշնության քննչական կոմիտեի նախագահ Ալեքսանդր Բաստրիկինը ՀՀ ՔԿ նախագահին պարգևատրել է «Միջազգային համագործակցության ամրապնդման համար» մեդալով: -
14.05.18, 10:25ՀՀ քննչական կոմիտեի նախագահ Աղվան Հովսեփյանի գլխավորած պատվիրակությունը մեկնել է ԲելոռուսՔԿ նախագահ Աղվան Հովսեփյանի գլխավորած պատվիրակությունը մեկնել է Բելոռուս՝ մասնակցելու Հայաստանի, Ռուսաստանի և Բելոռուսի քննչական կոմիտեների 3-րդ համատեղ կոլեգիայի նիստի աշխատանքներին։ -
18.10.17, 07:16Հայաստանի Հանրապետության քննչական կոմիտեն զարգացնում է երկկողմ համագործակցությունը Ռուսաստանի Դաշնության և Բելառուսի Հանրապետության քննչական կոմիտեների հետ. Ստորագրվել են փոխըմբռնման հուշագրեր (Լուսանկարներ)Երևան են ժամանել Ռուսաստանի Դաշնության քննչական կոմիտեի նախագահ Ալեքսանդր Բաստրիկինը և Բելառուսի Հանրապետության քննչական կոմիտեի նախագահ Իվան Նոսկևիչը։ -
28.04.17, 12:17ՀՀ ՔԿ նախագահ Աղվան Հովսեփյանը Սանկտ Պետերբուրգում առանձնազրույցներ է ունեցել ՌԴ և ԲՀ քննչական կոմիտեների նախագահների հետՔԿ նախագահ Աղվան Հովսեփյանը Սանկտ Պետերբուրգում առանձնազրույցներ է ունեցել ՌԴ քննչական կոմիտեի նախագահ Ալեքսանդր Բաստրիկինի և ԲՀ քննչական կոմիտեի նախագահ Իվան Նոսկևիչի հետ։ -
27.04.17, 12:28Հայաստանի, Ռուսաստանի և Բելառուսի Հանրապետության քննչական կոմիտեների նախագահները ստորագրել են համատեղ հայտարարություն (Լուսանկարներ)Քննարկվել է իրավական համագործակցությանը և փորձի փոխանակմանը վերաբերող հարցերի լայն շրջանակ: -
25.04.17, 11:20Աղվան Հովսեփյանն աշխատանքային այցով կմեկնի Ռուսաստանի ԴաշնությունՔԿ նախագահի գլխավորած պատվիրակությունը կմեկնի Սանկտ Պետերբուրգ՝ մասնակցելու Հայաստանի Հանրապետության, Բելառուսի Հանրապետության և Ռուսաստանի Դաշնության քննչական կոմիտեների կոլեգիայի նիստին: