Սեմինար-քննարկում` «Ընտանեկան և սեռական բռնության հարցերի վերաբերյալ իրազեկում, քննիչների և լրագրողների միջև համագործակցության զարգացում» թեմայով (լուսանկարներ)
ԱՄՆ դեսպանատան Թմրամիջոցների դեմ պայքարի և իրավապահ համագործակցության գրասենյակի աջակցությամբ և ՀՀ քննչական կոմիտեի հետ համագործակցության արդյունքում նոյեմբերի 29-ին և 30-ին անցկացվել է «Ընտանեկան և սեռական բռնության հարցերի վերաբերյալ իրազեկում, քննիչների և լրագրողների միջև համագործակցության զարգացում» թեմայով սեմինար-քննարկում:
Սեմինարի ընթացքում բացման խոսքով հանդես եկան ՀՀ քննչական կոմիտեի նախագահի տեղակալ Արսեն Այվազյանը և ՀՀ-ում ԱՄՆ դեսպանատան ԹՊԻՀ ծրագրերի իրավապահ համագործակցության խորհրդական Ադի Հոլովեյը:
Նրանք կարևորեցին ընտանեկան և սեռական բռնության հարցերի վերաբերյալ իրազեկումը, ինչպես նաև` իրավապահների կողմից այդ դեպքերի կանխարգելման ուղղությամբ տարվող աշխատանքները:
Սեմինար-քննարկման ընթացքում ՀՀ քննչական կոմիտեի տարբեր ստորաբաժանումներին և զանգվածային լրատվության միջոցների ներկայացուցիչներին ներկայացվեց ընտանեկան և սեռական բռնության դեպքերի քննության ներպետական և միջազգային օրենսդրությունը, իրավիճակը Հայաստանում, ինչպես նաև՝ ԱՄՆ իրավապահների գործելաոճը ԸՍԲ գործերը քննելիս, լրատվամիջոցների կողմից լուսաբանումները, զոհակենտրոն մոտեցումները, ընտանեկան արդարադատության կենտրոնների միջոցով բազմաոլորտային համագործակցությունը:
Ներկայացվել են նաև 2017-2019թթ. ընթացքում սեռական հանցագործությունների և մարդկանց թրաֆիքինգի վերաբերյալ քննվող գործերի վերլուծությունը, հայտնաբերված խնդիրները, նույն ժամանակահատվածում ընտանեկան բռնության դեպքերի վերաբերյալ քննվող քրեական գործերի վերլուծությունը, ինչպես նաև՝ ԸՍԲ քննվող դեպքերի կամ տուժողների վերաբերյալ տեղեկատվության տրամադրման առանձնահատկությունները, դրանց լուսաբանման «թույլատրելի և ոչ թույլատրելի» կանոնները:
Սեմինար-քննարկման ավարտին ՀՀ ՔԿ նախագահի տեղակալ Արսեն Այվազյանը շնորհակալություն հայտնեց ներկաներին՝ մասնակցության, բովանդակային քննարկում ապահովելու համար: Առանձնահատուկ շնորհակալություն հայտնեց ԱՄՆ դեսպանատան Թմրամիջոցների դեմ պայքարի և իրավապահ համագործակցության գրասենյակի ներկայացուցիչներ Ադի Հոլովեյին և Մարիցա Հովհաննիսյանին՝ միջոցառման անցկացմանը ցուցաբերած աջակցության համար:
Վերջիններս իրենց հերթին վստահեցրին, որ ՀՀ քննչական կոմիտեի հետ համագործակցությունը կրելու է շարունակական բնույթ, և շնորհակալություն հայտնեցին մասնակիցներին՝ արդյունավետ քննարկում անցկացնելու համար:
-
27.03.24, 11:432023թ․-ին ավելացել են ընտանեկան բռնությունների դեպքերով դատարան ուղարկված վարույթները․ ամփոփումՀՀ քննչական կոմիտեն վերլուծել և ամփոփել է 2023թ. ընթացքում ընտանեկան բռնությունների վերաբերյալ քննված քրեական վարույթների շարժընթացը։ -
27.03.24, 10:5025–ամյա երիտասարդը կալանավորվել է՝ ծնողների նկատմամբ բռնություն գործադրելու մեղադրանքովՔննություն է իրականացվում՝ Երևանի 25–ամյա բնակչի կողմից ծնողների նկատմամբ առերևույթ բռնություն գործադրելու դեպքի բոլոր հանգամանքները պարզելու ուղղությամբ։ -
12.03.24, 11:2863-ամյա մորը պարբերաբար ֆիզիկական և հոգեկան բռնության է ենթարկել․ նախաքննությունն ավարտվել էԱվարտվել է Վանաձոր քաղաքի բնակչի կողմից 63-ամյա մորը պարբերաբար ֆիզիկական և հոգեկան բռնության ենթարկելու վերաբրյալ քրեական վարույթի նախաքննությունը։ -
02.03.24, 12:04Նոր Խարբերդում 73-ամյա կնոջ սպանության մեղադրանքով վերջինիս որդին կալանավորվել էՀՀ քննչական կոմիտեի ԵՔՔՎ Շենգավիթ վարչական շրջանի քննչական բաժնում իրականացվող քննությամբ պարզվում են 2024 թ․ փետրվարի 29-ին 73-ամյա կնոջ առերևույթ սպանության հանգամանքները։ -
24.10.23, 10:32Ամուսինը կալանավորվել է՝ կնոջ նկատմամբ սպանության փորձ կատարելու մեղադրանքովԱնձնական հարցերի շուրջ վիճաբանության ժամանակ ամուսինը ձեռքերով, ոտքերով, մկրատով բազմաթիվ հարվածներ է հասցրել կնոջ մարմնի տարբեր մասերին: -
02.10.23, 13:50Երևան քաղաքի Կոնդ թաղամասում 43-ամյա տղամարդու սպանության կասկածանքով ձերբակալվել է վերջինիս կնոջ եղբայրըՊարզվել են տղամարդու՝ կյանքի հետ անհամատեղելի մարմնական վնասվածքներ ստանալու նախնական մի շարք հանգամանքներ: -
31.08.23, 11:002023թ․ առաջին կիսամյակում ընտանեկան բռնության վերաբերյալ դեպքերով 146 անձի վերաբերյալ 140 քրեական վարույթ է ուղարկվել դատարան․ ամփոփումԱմփոփվել է 2023թ․ առաջին կիսամյակի ընթացքում ընտանեկան բռնության վերաբերյալ հանցագործությունների քննության ընդհանուր շարժընթացը։ -
20.06.23, 13:11Գառնի գյուղի 51-ամյա բնակչի սպանության կասկածանքով ձերբակալվել է նրա հարազատ եղբայրը (լուսանկարներ)ՆԳՆ ոստիկանության Գառնիի բաժանմունք է ներկայացել Գառնի գյուղի 54-ամյա բնակիչը և հայտնել, որ սպանել է հարազատ եղբորը՝ վերջինիս գլխին մուրճով հարվածներ հասցնելու եղանակով: