Վարձակալված բնակարանում հայտնաբերվել է երկու տղամարդու դի
![Վարձակալված բնակարանում հայտնաբերվել է երկու տղամարդու դի Վարձակալված բնակարանում հայտնաբերվել է երկու տղամարդու դի](https://investigative.am/storage/files/2017/03/1488896447,3077.jpeg?token=12725d980cdc6a6970f3134ca95d635568af08ba)
ՀՀ քննչական կոմիտեի Երևան քաղաքի Կենտրոն և Նորք-Մարաշ վարչական շրջանների քննչական բաժնում քննություն է տարվում՝ պարզելու երկու տղամարդու մահվան հանգամանքները:
2017 թվականի մարտի 7-ին՝ ժամը 10:30-ին, ահազանգ է ստացվել այն մասին, որ Երևան քաղաքի Կորյունի փողոցում գտնվող տներից մեկում հայտնաբերվել է երկու տղամարդու դի:
Անմիջապես դեպքի վայր է մեկնել քննչական-օպերատիվ խումբը: Դեպքի վայրի զննությամբ հայտնաբերվել է վարձակալական հիմունքներով նշված տանը բնակվող երկու տղամարդու դի: Դիակների արտաքին զննությամբ վերջիններիս աճուկային շրջանում հայտնաբերվել են հետքեր: Դեպքի վայրի զննությամբ հայտնաբերվել և վերցվել են ներարկիչ, տարբեր տեսակի դեղերի տարաներ, հեռախոսներ և այլ առարկաներ:
Ձեռնարկված միջոցառումների արդյունքում պարզվել է մահացած տղամարդկանց ինքնությունը. նրանցից մեկը 1964թ. ծնված Ա. Գրիգորյանն է, մյուսը՝ 1975թ. ծնված Ա. Ավետիսյանը:
Նշանակվել են դատաբժշկական, դատաքիմիական փորձաքննություններ։