Վերանորոգվել և շահագործման է հանձնվել ՀՀ քննչական կոմիտեի արխիվի տեղակայման համար հատկացված նոր տարածքը (լուսանկարներ)
ՀՀ քննչական կոմիտեում այսօր շահագործման է հանձնվել հիմնովին վերանորոգված՝ արխիվային պահոցի նոր տարածքը, որի բացումն իրականացրել է Հայաստանի Հանրապետության քննչական կոմիտեի գլխավոր քարտուղար Կարեն Մարգարյանը։ Բացման արարողությանը մասնակցել են ՀՀ քննչական կոմիտեի կենտրոնական մարմնի աջակցող մասնագիտական կառուցվածքային ստորաբաժանումների ղեկավարներն ու աշխատակիցները։
Արխիվային պահոցի տարածքը տրամադրվել է ՀՀ Կառավարության համապատասխան որոշմամբ և վերանորոգվել է ՀՀ պետական բյուջեից Կոմիտեին հատկացված ֆինանսական միջոցներով։
Արխիվի պահոցի նոր տարածքում, շուրջ 7 մլն դրամի չափով ֆինանսավորման շրջանակներում, կատարվել են ներքին հարդարման աշխատանքներ, այն ապահովվել է արխիվային նյութերի, փաստաթղթերի, վարույթը կարճված՝ թղթային կրիչով քրեական վարույթների լիարժեք պահպանումն իրականացնելու համար անհրաժեշտ, սահմանված չափորոշիչներին համապատասխանող նյութական, տեխնիկական միջոցներով, այդ թվում՝ տեսահսկման, հակահրդեհային համակարգերով և այլն։ Ստեղծվել են նաև աշխատանքային պատշաճ պայմաններ, այդ թվում՝ ՀՀ քննչական կոմիտեում ներդրված՝ արխիվավորված քրեական վարույթներով անհատական տվյալների տեղեկատվական բազայի վարման տեղեկատու-որոնողական էլեկտրոնային համակարգի կիրառման համար։
ՀՀ քննչական կոմիտեի գլխավոր քարտուղար Կարեն Մարգարյանը և ներկաները ծանոթացել են պահոցի վերանորոգված և կահավորված տարածքին, աշխատանքային պայմաններին։ Իր շնորհավորական խոսքում Կարեն Մարգարյանը շնորհակալություն է հայտնել ՀՀ կառավարությանը` Քննչական կոմիտեի համար նման հրատապ և կարևոր խնդրի լուծման հարցում համակողմանի աջակցություն ցուցաբերելու համար։ Նա վստահություն է հայտնել, որ նոր պայմանների ստեղծումն էականորեն կխթանի արխիվային գործի կազմակերպման, մասնավորապես վարույթը կարճված քրեական գործերի հաշվառման, պահպանման և դրանց հետ կապված այլ գործառույթների առավել արդյունավետ իրականացմանը։
-
19.03.24, 13:48ՀՀ քննչական կոմիտեի հերթական քննչական բաժինը նոր, վերանորոգված վարչական տարածք ունի․ բացման արարողությանը մասնակցել է Արգիշտի Քյարամյանը (լուսանկարներ)Քննչական կոմիտեի նախագահը կարճ զրույց է ունեցել քննչական բաժնի աշխատակիցների հետ, շնորհավորել նորամուտի կապակցությամբ։ -
29.12.23, 17:49Նոր վարչական շենք՝ ՀՀ ՔԿ Աջափնյակ և Դավթաշեն վարչական շրջանների քննչական բաժնի համար. բացմանը մասնակցել է Արգիշտի Քյարամյանը (տեսանյութ, լուսանկարներ)Շահագործման է հանձնվել Աջափնյակ և Դավթաշեն վարչական շրջանների քննչական բաժնի նոր, վերանորոգված և կահավորված վարչական շենքը։ -
07.12.23, 17:51Վերանորոգվել է Ստեփանավանի քննչական բաժնին հատկացված նոր վարչական շենքը․ բացման արարողությանը ներկա է գտնվել ՀՀ ՔԿ նախագահ Արգիշտի Քյարամյանը (տեսանյութ, լուսանկարներ)ՀՀ քննչական կոմիտեի նախագահ Արգիշտի Քյարամյանն այցելել է ՀՀ Լոռու մարզ։ -
16.12.22, 14:27ՀՀ քննչական կոմիտեի նախագահի մասնակցությամբ տեղի է ունեցել ՀՀ ՔԿ Արմավիրի մարզի քննչական վարչության և Վաղարշապատի քննչական բաժնի նոր վարչական շենքերի բացման արարողությունը (տեսանյութ, լուսանկարներ)ՀՀ ՔԿ նախագահը շրջայց է կատարել հիմնանորոգված շենքերում, ծանոթացել ընդհանուր աշխատանքային պայմաններին։ -
20.05.21, 11:53Աշխատանքային այցՀՀ քննչական կոմիտեի գլխավոր քարտուղար Արամ Նիկոյանն աշխատանքային այցով Արմավիրի մարզում էր: -
13.03.20, 15:13Լոռու մարզային քննչական վարչությունն ունի նոր վարչական շենք (լուսանկարներ)ՀՀ քննչական կոմիտեի Լոռու մարզային քննչական վարչության երկհարկանի շենքը հիմնովին վերանորոգվել է: -
30.07.19, 08:07Քննչական կոմիտեի նախագահը մասնակցել է Շիրակի մարզային քննչական վարչության շենքի բացման արարողությանը (լուսանկարներ)ՀՀ քննչական կոմիտեն շարունակում է հետևողական քայլեր ձեռնարկել՝ Կոմիտեի տարածքային ստորաբաժանումների աշխատանքային պայմանները բարելավելու ուղղությամբ:
